செப்டம்பர் 11ஆம் திகதி வெளியிடப்பட்ட 2025ஆம் ஆண்டுக்கான ஹென்லி கடவுச்சீட்டு சுட்டெண்ணின்படி, இலங்கை 97ஆவது இடத்தைப் பிடித்துள்ளது.
2024ஆம் ஆண்டில், இலங்கை கடவுச்சீட்டு சுட்டெண்ணில் 96ஆவது இடத்தில் இருந்தது. இந்த சுட்டெண்ணில் இலங்கை மற்றும் ஈரான் ஆகிய நாடுகள் 97ஆவது இடத்தில் உள்ளன.
முன் அனுமதி (விசா) இன்றி பயணிக்கக்கூடிய நாடுகளின் எண்ணிக்கையை அடிப்படையாகக் கொண்டு ஹென்லி கடவுச்சீட்டு சுட்டெண் உலகெங்கிலும் உள்ள கடவுச்சீட்டுகளை மதிப்பிடுகிறது.
இந்த சுட்டெண்ணின்படி, உலகின் மிகவும் சக்திவாய்ந்த கடவுச்சீட்டாக சிங்கப்பூர் தெரிவு செய்யப்பட்டுள்ளதுடன், தென்கொரியா மற்றும் ஜப்பான் முறையே இரண்டாவது மற்றும் மூன்றாவது இடங்களில் உள்ளன.
இந்த கடவுச்சீட்டு சுட்டெண்ணில் ஆப்கானிஸ்தான் கடைசி இடத்தைப் பிடித்துள்ளது.