என பாராளுமன்ற உறுப்பினர் கலாநிதி ஹர்ஷ டி சில்வா தெரிவித்துள்ளார்.
இதற்கான போதிய நிதி கையிருப்பு அரசாங்கத்திடம் உள்ளதாக அவர் கூறுகிறார்.
"அடுத்த ஆண்டுக்கான மூலதனச் செலவாக வீதிகள் அமைத்தல், வைத்தியசாலைகள் நிர்மாணித்தல் போன்ற பணிகளுக்காக நாம் 1,400 பில்லியன் ரூபாவை ஒதுக்கியுள்ளோம். இந்த சூறாவளியினால் ஏற்பட்ட சேதங்களுக்காக மீண்டும் நிதி ஒதுக்கீடு செய்வதற்கு பணம் உள்ளது. மீண்டும் பணம் தேவைப்படும் என்று நான் நம்பவில்லை.
"ஆனால் வீடுகளைச் சுத்தப்படுத்துதல் போன்ற அன்றாடச் செலவுகளுக்காக சுமார் 500 பில்லியன் ரூபா மேலதிகமாகச் செலவாகும். அதனைத் தாங்கிக் கொள்ள முடியும். சர்வதேச நாணய நிதியத்தின் (IMF) நிபந்தனையின்படி, ஆரம்பச் செலவாக (Primary Expenditure) 13% மாத்திரமே எம்மால் செலவிட முடியும். ஆனால் இந்தப் பிரச்சினை காரணமாக எமக்கு அதனை விடவும் அதிகமாகச் செலவிடுவதற்குச் சுதந்திரம் உள்ளது. மற்றையது, அரசாங்கத்தின் ஒரு டிரில்லியன் ரூபாவிற்கும் அதிகமான பணம் வங்கியில் உள்ளது."
'Rebuilding Sri Lanka' நிதியத்தை ஒரு நியதிச்சட்ட நிதியமாக (Statutory Fund) பாராளுமன்றத்தில் நிறைவேற்ற வேண்டும் என்றும் கலாநிதி ஹர்ஷ டி சில்வா தெரிவித்தார்.
"அந்த நிதியம் ஒரு நியதிச்சட்ட நிதியமாக இருக்க வேண்டும். அவ்வாறு இன்றி 'ஹெல்பிங் ஹம்பாந்தோட்டை' (Helping Hambantota) போன்ற நிதியங்களை உருவாக்க முடியாது. அத்தகைய ஒன்றை உருவாக்கி பாராளுமன்றத்திற்குக் கொண்டு வந்து அதனை நிறைவேற்ற வேண்டும். இன்னும் அவ்வாறு செய்யப்படவில்லை.
"'Rebuilding Sri Lanka' நிதியத்தை பாராளுமன்றத்தின் ஊடாக உடனடியாக ஆரம்பிக்க வேண்டும். ஆனால் இதனைச் சரியான வெளிப்படைத்தன்மையுடன் செய்ய வேண்டும். அரசாங்கம் மாத்திரம் இவை அனைத்தையும் செய்ய வேண்டிய அவசியமில்லை என்பது எனது கருத்து. அரசாங்கமும் தனியார் துறையும் இணைந்து இதனைச் செய்ய முடியும். தனியார் துறைக்குச் செய்யக்கூடியவற்றை அவர்களுக்கு வழங்க வேண்டும். அவர்களால் முடியாதவற்றை அரசாங்கம் செய்ய வேண்டும்."