திசைக்காட்டி தோல்வியடைந்தால் என்ன நடக்கும்..?

ஆற்றலை மாலிமா குழு பெற்றுள்ளது என்றும், ஒருவேளை இவர்கள் தோல்வியடைந்து வேறு ஒரு குழு ஆட்சிக்கு வந்தால், ஒரு மக்கள் ஆதரவு அலை ஏற்பட்டு, இருபது ஆண்டுகளுக்குப் பின்னரும் கூட நாட்டைச் சீர்திருத்த முடியாத நிலை ஏற்படும் என்றும் சமபிம கட்சியின் தலைவர் தீப்தி குமார குணரத்ன தெரிவித்தார்.

மேலும், தற்போது நாட்டில் நிலவும் நிலைமைக்கு ஏற்ப எதிர்க்கட்சி ஆட்சிக்கு வந்தாலும், ஓராண்டுக்குள் தற்போதைய நிலைமை மீண்டும் ஏற்படும் என்றும் அவர் வலியுறுத்தினார்.

அவர் இந்த கருத்துக்களை "அதஹஸ் பிரமுண" அல்லது "Ideas front" என்ற யூடியூப் சேனலுடன் நடத்திய கலந்துரையாடலில் பங்கேற்று வெளியிட்டார்.

அந்தக் கலந்துரையாடலில் பங்கேற்ற அரசியல் ஆய்வாளர் விபுல கருணாதிலக்க, ரணில் விக்கிரமசிங்கவின் ஆட்சிக் காலத்தில் எதிர்ப்புக்கள் எழுந்தது அரச கொள்கைக்கு எதிராக அல்ல, கலாச்சார ரீதியான விடயங்களின் அடிப்படையிலேயே என்றார்.

மக்கள் விடுதலை முன்னணி (JVP) அன்று ரணில் விக்கிரமசிங்கவின் வேலைத்திட்டத்தை விமர்சித்தாலும், இன்று அவர்களும் அதே வேலைத்திட்டத்தையே செயற்படுத்துகிறார்கள் என்றும் அவர் வலியுறுத்தினார்.