34% பேர் வாழ்வதாகவும் தேசிய கட்டட ஆய்வு நிறுவனத்தின் (National Building Research Organisation - NBRO) சிரேஷ்ட புவியியலாளர் கலாநிதி வசந்த சேனாதிீர தெரிவித்துள்ளார்.
அவர் நேற்று (12) அரசாங்கத் தகவல் திணைக்களத்தில் நடைபெற்ற ஊடகவியலாளர் சந்திப்பில் கலந்துகொண்டு இதனைத் தெரிவித்தார்.
மண் சரிவு அபாயத்திற்குள்ளான பிரதான 6 மாவட்டங்களும் அதற்கு அண்மையிலுள்ள மேலும் 8 மாவட்டங்களும் மண் சரிவு அபாயத்தில் உள்ளதாகவும் அவர் குறிப்பிட்டார்.
மண் சரிவு அபாயத்தில் உள்ள நிலப்பரப்பு சுமார் 20,000 சதுர கிலோமீட்டர்கள் என்றும் அவர் கூறினார்.
தித்வா சூறாவளியுடன் ஏற்பட்ட அதிக மழை காரணமாக, மண் சரிவுக்குள்ளாகக்கூடிய இடங்களைச் சோதித்துத் தருமாறு 2,710 கோரிக்கைகள் கிடைத்ததாகவும் அவர் தெரிவித்தார்.
அனர்த்தத்திற்குள்ளான இடங்கள் தொடர்பான செயற்கைக்கோள் புகைப்படங்களின் (Satellite images) அடிப்படையில், 10 மீட்டருக்கும் அதிகமாக மண் சரிவு ஏற்பட்ட 1,241 இடங்கள் அடையாளம் காணப்பட்டுள்ளதாகவும் அவர் சுட்டிக்காட்டினார்.
"தேசிய கட்டட ஆய்வு நிறுவனம் ஒரு தானியங்கி மழைமானி அமைப்பை (Automated Rain Gauge System) பராமரித்து வருகிறது. அந்த மழைமானி அமைப்புகள் மூலமாகவே நிகழ்நேரத்தில் கிடைக்கும் மழையளவைப் பெற்று, மண் சரிவு எச்சரிக்கைகளை விடுக்கின்றோம். மக்கள் இது குறித்து அதிக கவனம் செலுத்த வேண்டும். தாங்கள் இருக்கும் அபாய நிலைமையைப் பற்றி நாங்கள் அறிவித்துள்ளோம்."