இலங்கையர்களில் 15 பேர் தற்போது ஐக்கிய அரபு எமிரேட்ஸ் (UAE) நாட்டில் வசித்து வருவதாக அதிகாரிகள் உறுதிப்படுத்தியுள்ளதாகத் தெரிவிக்கப்பட்டுள்ளது.
ஐக்கிய அரபு எமிரேட்ஸின் பாதுகாப்பு நிறுவனங்கள் இந்த நபர்கள் அங்கு இருப்பதை இன்டர்போலுக்கு அறிவித்துள்ளதாகவும், அவர்கள் உன்னிப்பாக கண்காணிக்கப்பட்டு வருவதாகவும், ஒரு சிரேஷ்ட பொலிஸ் அதிகாரியை மேற்கோள் காட்டி தினமின அரச செய்தித் தாள் செய்தி வெளியிட்டுள்ளது.
சட்டவிரோத குழுக்களுடன் தொடர்புடைய பிரபல போதைப்பொருள் கடத்தல்காரரான லலித் கன்னங்கர என்பவரை ஒக்டோபர் மாதம் டுபாய் பொலிஸார் கைது செய்திருந்தனர்.
அவரை இலங்கைக்கு நாடு கடத்த முயற்சிகள் மேற்கொள்ளப்பட்ட போதிலும், அவர் ஐக்கிய அரபு எமிரேட்ஸின் உயர் நீதிமன்றத்தில் மேன்முறையீடு செய்ததால் அந்த செயல்முறை தாமதமானது.
சட்ட நடவடிக்கைகள் நிறைவடைய குறைந்தது நான்கு மாதங்கள் ஆகலாம் என ஒரு சிரேஷ்ட பொலிஸ் அதிகாரி தெரிவித்துள்ளார். இந்த வழக்கில் உதவ இலங்கை சட்டப் பிரதிநிதி ஒருவர் ஏற்கனவே டுபாய் சென்றுள்ளதாகவும் அவர் மேலும் தெரிவித்துள்ளார்.