செயலாளர் திருமதி துஷாரி தென்னக்கோன், சாரதிகளிடம் கோரிக்கை விடுத்துள்ளார்.
நுவரெலியா மாவட்டச் செயலாளர் அலுவலகத்தில் நேற்று (11) பிற்பகல் இடம்பெற்ற ஊடகவியலாளர் சந்திப்பின்போது அவர் இதனைக் கூறியுள்ளார்.
வாகனப் போக்குவரத்துக்காகத் திறக்கப்பட்டிருந்த கம்பளை - நுவரெலியா பிரதான வீதியில் கட்டுகித்துல பிரதேசத்தில் மீண்டும் ஒரு மண்மேடு சரிந்துள்ளதாகவும், தற்போது நிலவும் காலநிலை காரணமாக வீதிகளில் மேலும் மண்மேடுகள் சரியும் அபாயம் நிலவுவதனால் இந்தத் தீர்மானம் எடுக்கப்பட்டதாகவும் மாவட்டச் செயலாளர் தெரிவித்தார்.
'திட்வா' சூறாவளியால் நுவரெலியா மாவட்டத்தில் பாதிக்கப்பட்ட அனைத்து மக்களுக்கும் தேவையான உணவுப் பொருட்கள் உட்பட வசதிகள் செய்து கொடுக்கப்பட்டுள்ளதாகவும், பாதிக்கப்பட்ட மற்றும் பாதிக்கப்படாத சில பிரிவினர் அரசாங்கத்துக்கு அசௌகரியங்களை ஏற்படுத்தும் நோக்குடன் மேற்கொள்ளும் சில அறிக்கைகளில் எவ்வித உண்மையும் இல்லை என்றும் அவர் இங்கே குறிப்பிட்டார்.