நேர் மோதி இடம்பெற்ற விபத்து தொடர்பாக மேலும் தகவல்கள் வெளியாகியுள்ளன.
இந்த விபத்து நேற்று (11) பிற்பகல் சப்புகஸ்கந்த பகுதியில் இடம்பெற்றதாக பொலிஸார் தெரிவித்தனர்.
இந்த விபத்தில், காரில் பயணித்த 25 வயதுடைய பெண், அவரது சுமார் 6 மாத குழந்தை மற்றும் 55 வயதுடைய பாட்டி ஆகியோர் காயமடைந்து வைத்தியசாலையில் அனுமதிக்கப்பட்டுள்ளனர்.
குழந்தை மேலதிக சிகிச்சைக்காக ரிட்ஜ்வே சிறுவர் வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.
அத்துடன், விபத்தில் காயமடைந்த ஜீப் வண்டியில் பயணித்த பாராளுமன்ற உறுப்பினர் அசோக ரன்வலவும் சிகிச்சைக்காக ராகம வைத்தியசாலையில் அனுமதிக்கப்பட்டுள்ளதாகத் தெரிவிக்கப்படுகிறது.
விபத்துக்குள்ளான ஜீப் வண்டி மற்றும் கார் தவிர, சம்பவத்துடன் தொடர்புடைய ஒரு மோட்டார் சைக்கிளும் பொலிஸாரால் பொறுப்பேற்கப்பட்டுள்ளது.
இந்த விபத்து தொடர்பாக சப்புகஸ்கந்த பொலிஸார் மேலதிக விசாரணைகளை மேற்கொண்டு வருகின்றனர்.