பாதிக்கப்பட்டுள்ளதாக ஹெக்டர் கொப்பேக்கடுவ விவசாய அலுவல்கள் ஆராய்ச்சி மற்றும் பயிற்சி நிறுவனம் தெரிவித்துள்ளது.
சீரற்ற காலநிலையால் நெற்செய்கைக்கு ஏற்பட்ட சேதங்களை மதிப்பிடும் பணிகள் தற்போது ஆரம்பிக்கப்பட்டுள்ளதாக கமநல அபிவிருத்தி திணைக்களம் தெரிவித்துள்ளது.
சுமார் ஒரு இலட்சத்து எட்டாயிரம் ஏக்கர் நெல் வயல்கள் சேதமடைந்துள்ளதாகப் பதிவாகியுள்ளதாக அதன் ஆணையாளர் நாயகம் தம்மிக ரணதுங்க குறிப்பிட்டார்.
சேதமடைந்த ஒரு ஹெக்டேர் நெல் வயலுக்கு ஒரு இலட்சத்து ஐம்பதாயிரம் ரூபா இழப்பீடாக வழங்கப்படும் என்றும் அவர் மேலும் தெரிவித்தார்.
இதற்கிடையில், சீரற்ற காலநிலை காரணமாக பல மாவட்டங்களில் யானைகள் குடியிருப்புப் பகுதிகளுக்குள் நுழைவதைக் கட்டுப்படுத்த அமைக்கப்பட்டிருந்த யானை வேலி (மின்சார வேலி) முழுவதுமாக அழிந்துள்ளது என்றும், பொலன்னறுவை மாவட்டத்திலேயே அதிக சேதம் ஏற்பட்டுள்ளது என்றும் வனவிலங்குப் பாதுகாப்புத் திணைக்களத்தின் பணிப்பாளர் நாயகம் ரஞ்சன் மாரசிங்க தெரிவித்தார்.
மேலும், யால தேசியப் பூங்காவிற்கு ஏற்பட்டுள்ள இழப்புகள் மற்றும் சேதங்களை ஆராய்ந்து தீர்வு காண்பதற்காக கொழும்பிலிருந்து அதிகாரிகள் குழுவொன்று அனுப்பி வைக்கப்பட்டுள்ளதாகவும் வனவிலங்குப் பணிப்பாளர் நாயகம் தெரிவித்தார்.