காரணமாக, 85,000க்கும் அதிகமான மக்கள் இன்னமும் தற்காலிகப் பாதுகாப்பு நிலையங்களில் வசித்து வருவதாக அனர்த்த முகாமைத்துவ நிலையம் அறிவித்துள்ளது.
இன்று (11) காலை 6 மணிக்கு வெளியிடப்பட்ட அனர்த்தங்கள் தொடர்பான புதிய முழுமையான அறிக்கையின்படி, 25 மாவட்டங்களில் உள்ள 524,678 குடும்பங்களைச் சேர்ந்த 1,814,421 பேர் பாதிக்கப்பட்டுள்ளனர்.
இதற்கிடையில், அனர்த்தம் காரணமாக 639 பேர் உயிரிழந்துள்ளனர், 193 பேர் இன்னமும் காணாமல் போயுள்ளனர் என்றும், அதிகபட்சமாக 234 உயிரிழப்புகள் கண்டி மாவட்டத்தில் பதிவாகியுள்ளதாகவும் அனர்த்த முகாமைத்துவ நிலையம் அறிவித்துள்ளது.
அதேபோல், 'திட்வா' சூறாவளியின் தாக்கத்தினால் 5,346 முழுமையான வீடுகளும், 86,245 பகுதியளவான வீடுகளும் சேதமடைந்துள்ளதாகப் பதிவாகியுள்ளது.
ஏற்பட்ட அனர்த்தம் காரணமாக ஆபத்துக்குள்ளான 26,841 குடும்பங்களைச் சேர்ந்த 85,351 பேர், 873 பாதுகாப்பு நிலையங்களில் இன்னமும் தற்காலிகமாகத் தங்க வைக்கப்பட்டுள்ளதாகவும் அனர்த்த முகாமைத்துவ நிலையம் தெரிவித்துள்ளது.