மாட்டாது என கல்வி அமைச்சு தீர்மானித்துள்ளது. அத்துடன், இந்த வருடத்திற்கான மூன்றாம் தவணைப் பரீட்சைகள் நடத்தப்பட மாட்டாது என்பதுடன், உயர் தரப் பரீட்சையின் எஞ்சிய பாடங்களை ஜனவரி 12ஆம் திகதி முதல் 20ஆம் திகதி வரை நடத்துவதற்கும் திட்டமிடப்பட்டுள்ளது.
எதிர்வரும் 16ஆம் திகதி ஆரம்பிக்கப்படும் பாடசாலைகள், நத்தார் விடுமுறைக்காக 22ஆம் திகதி முதல் 28ஆம் திகதி வரை மூடப்பட்டிருக்கும். அதன் பின்னர் டிசம்பர் 29, 30 மற்றும் 31 ஆகிய மூன்று தினங்களும் பாடசாலைகள் நடத்தப்பட்டு மூன்றாம் தவணை நிறைவு செய்யப்படும். அடுத்த வருடத்திற்கான முதல் தவணை ஜனவரி மாதம் 5ஆம் திகதி ஆரம்பிக்கப்படும்.
உயர் தரப் பரீட்சையின் எஞ்சிய பாடங்கள் நடைபெறுவதனால், ஜனவரி 12ஆம் திகதி முதல் 20ஆம் திகதி வரை பாடசாலைகள் மீண்டும் மூடப்படும். அதன் பின்னர் ஜனவரி 21ஆம் திகதி ஆரம்பிக்கப்படும் பாடசாலைகள், சாதாரண தரப் பரீட்சைக்காக மீண்டும் பெப்ரவரி 14ஆம் திகதி முதல் மார்ச் 2ஆம் திகதி வரை மூடப்பட்டு, மார்ச் 3ஆம் திகதி மீண்டும் ஆரம்பிக்கப்பட்டு ஏப்ரல் 10ஆம் திகதியுடன் முதலாம் தவணை நிறைவு செய்யப்படவுள்ளது.
ஆறு முதல் பதினொரு வரையான வகுப்புகளுக்குப் பரீட்சை நடத்தப்பட மாட்டாது என்றாலும், இம்முறை சாதாரண தரப் பரீட்சைக்குத் தோற்றும் பதினொரு வகுப்பு மாணவர்களுக்காக ஒத்திகைப் பரீட்சை (Pre-test) ஒன்றை நடத்துவதற்குப் பாடசாலைகளுக்கு அறிவுறுத்தப்படவுள்ளது.
ஆரம்பிக்கப்பட மாட்டாத பாடசாலைகளில் 115 பாடசாலைகள் மத்திய மாகாணத்தைச் சேர்ந்தவை, ஊவா மாகாணத்தில் 26 பாடசாலைகளும், வடமேல் மாகாணத்தில் 6 பாடசாலைகளும் இதில் அடங்கும். அமைச்சினால் தற்போது வெளியிடப்பட்டுள்ள அட்டவணையின் படி, இரண்டாம் மற்றும் மூன்றாம் தவணைகள் அமுல்படுத்தப்படும். 16ஆம் திகதி ஆரம்பிக்கப்படும் பாடசாலைகளின் எண்ணிக்கை 9,929 ஆகும்.
இந்த விடயங்களை நேற்று (09ஆம் திகதி) கல்வி அமைச்சின் செயலாளர் நாலக கலுவெவ வெளிப்படுத்தினார்.
அனர்த்த நிலைமையை எதிர்கொண்ட பிரதேசங்களில் உள்ள மாணவர்களின் சீருடை மற்றும் கல்விசார் மற்றும் கல்விசாரா ஊழியர்களின் ஆடைகள் தொடர்பில் நெகிழ்வான கொள்கை (Flexible Policy) பின்பற்றப்படும் என்றும் செயலாளர் தெரிவித்தார்.
16ஆம் திகதி ஆரம்பிக்கப்படவுள்ள பாடசாலைகளின் அதிபர்கள், ஆசிரியர்கள் மற்றும் கல்விசாரா ஊழியர்கள் டிசம்பர் 15ஆம் திகதி சேவைக்குச் சமூகமளிக்க வேண்டும் என்றும், இந்த அனைத்து விடயங்களும் அடங்கிய சுற்றுநிருபம் ஒன்று வெளியிடப்படும் என்றும் செயலாளர் கூறினார்.