விவசாயிகளும் இணைந்து இன்று (10) பொருளாதார மையத்தை மூடி, அரசாங்கத்திற்கு தமது எதிர்ப்பைத் தெரிவித்துள்ளனர்.
உள்ளூர்ச் சந்தையின் தேவைக்குப் போதுமான உள்நாட்டு உருளைக்கிழங்கு மற்றும் பெரிய வெங்காய இருப்புக்கள் இருக்கும்போது, அரசாங்கம் பெரிய வெங்காயம் மற்றும் உருளைக்கிழங்கை இறக்குமதி செய்துள்ளதாகவும், அதற்குப் போதுமான வரி விதிக்காத காரணத்தால், உள்நாட்டு உருளைக்கிழங்கு மற்றும் பெரிய வெங்காய விவசாயிகளால் உற்பத்திச் செலவைக்கூட ஈடுசெய்யும் வகையில் தமது அறுவடைகளை விற்க முடியவில்லை என்றும் கடையடைப்புப் போராட்டம் நடத்தும் வர்த்தகர்களும், நுவரெலியாப் பிரதேச மரக்கறி விவசாயிகளும் தெரிவித்தனர்.
நுவரெலியா பொருளாதார மையத்தில் உள்ள எந்தவொரு மரக்கறி இருப்புகளும் கொழும்பு உட்பட நாட்டின் ஏனைய பகுதிகளுக்கு கொண்டு செல்லப்படவில்லை என்றும், நுவரெலியா பிரதேச மரக்கறி விவசாயிகள் இன்று (10) தமது தினசரி நடவடிக்கைகளில் இருந்து விலகியுள்ளனர் என்றும் அந்த வர்த்தகர்கள் மேலும் கூறினர்.
தற்போதைய சூழ்நிலை காரணமாக நுவரெலியா பொருளாதார மையத்தில் பலத்த பொலிஸ் பாதுகாப்பும் போடப்பட்டிருந்தது.