இறக்குமதியாளர்கள் சங்கம் தெரிவித்துள்ளது.
இந்த விலை உயர்வுடன், இரண்டேகால் அங்குல பீடியின் சில்லறை விலை 15 ரூபாவாகவும், இரண்டு அங்குல மற்றும் சிவப்பு நூல் பீடியின் சில்லறை விலை 13 ரூபாவாகவும் உயர்வடையும் என அந்தச் சங்கம் சுட்டிக்காட்டியுள்ளது.
இதற்கு முன்னர் இரண்டேகால் அங்குல பீடி 10 ரூபாவிற்கும், இரண்டு அங்குல மற்றும் சிவப்பு நூல் பீடி ஒன்பது ரூபாய் ஐம்பது சதத்திற்கும் (9.50) விற்பனை செய்யப்பட்டதாக அந்தச் சங்கம் குறிப்பிட்டது.
ஒரு பீடிக்கான வரியை தற்போதைய அரசாங்கம் 2 ரூபாவிலிருந்து 3 ரூபாவாக அதிகரித்தமையும், ஏனைய செலவுகள் உயர்ந்ததன் காரணமாக உற்பத்திச் செலவு அதிகரித்தமையாலும் பீடியின் விலையை அதிகரிக்க நேரிட்டதாக அந்தச் சங்கம் சுட்டிக்காட்டியுள்ளது.
ஒரு பீடியின் உற்பத்திச் செலவு சுமார் பதின்மூன்று ரூபாய் எழுபத்தைந்து சதம் (13.75) ஆக இருந்தபோதிலும், கடந்த காலத்தில் அந்தச் செலவிற்கும் குறைவான விலையில் பீடியை சந்தைக்கு விநியோகித்தமையால் தொழில்துறையை முன்னெடுத்துச் செல்ல முடியாத நிலை ஏற்பட்டுள்ளதாக சுட்டிக்காட்டிய அந்தச் சங்கம், அரசாங்கத்திற்கு முறையாக வரி செலுத்த வேண்டுமெனில் பீடி விலையை அதிகரிப்பது கட்டாயமாகும் என்றும் குறிப்பிட்டுள்ளது.
பீடித் தொழில்துறையின் பிரதான மூலப்பொருளான 'தெந்துகொள' எனப்படும் பீடி இலையை சட்டவிரோதமாக நாட்டிற்குள் கொண்டுவருவதைத் தடுக்க அதிகாரிகள் தவறியதால், பீடித் தொழில்துறை மேலும் நிச்சயமற்ற நிலைக்குத் தள்ளப்பட்டுள்ளதாகவும், அனைத்து பீடி வியாபாரிகளும் இந்த புதிய விலைக்கு இன்று (10) முதல் பீடியை விற்பனை செய்யாவிட்டால், அது குறித்து அரசாங்கத்தின் கவனம் செலுத்தப்பட வேண்டும் எனவும் அந்தச் சங்கம் வலியுறுத்தியுள்ளது.