முன்னெடுக்கப்பட்டு வரும் நிலையில், அந்தப் போராட்டங்களை இடைநிறுத்தி மேற்படி 14 காற்றாலைகளையும் தொடர்ந்து அமைப்பதற்கான இணக்கப்பாடு நேற்று முன்தினம் ஜனாதிபதி அநுரகுமார திஸநாயக்காவுக்கும் மன்னார் ஆயர் வண. ஞானப்பிரகாசம் அந்தோனிப்பிள்ளைக்கும் இடையில் கொழும்பில் நடைபெற்ற சந்திப்பின்போது எட்டப்பட்டுள்ளது எனக் கொழும்பு வட்டாரங்கள் தெரிவித்தன.
மன்னார் காற்றாலைப் பிரச்சினைக்குத் தீர்வு காணப்பட்டு விட்டது என்றும், 14 காற்றாலைகளையும் தொடர்ந்து அமைப்பதற்கு இணக்கம் ஏற்பட்டுள்ளது என்றும் நேற்றுமுன்தினம் நாடாளுமன்ற வளாகத்தில் வன்னி மாவட்ட சிரேஷ்ட தமிழ் நாடாளுமன்ற உறுப்பினர் ஒருவரைச் சந்தித்துச் சுருக்கமாக உரையா
டிய சமயம் ஜனாதிபதி அநுரகுமார திஸாநாயக்க தெரிவித்தார் என்றும் அறியவந்தது.
இதற்கு இடையில் மன்னாரில் ஏற்கனவே 30 காற்றாலைகள் அமைக்கப்பட்டமையால் நீரோட்டங்களில் ஏற்பட்ட
பாதிப்பு, வெள்ளத்தை அகற்றுவதில் ஏற்பட்டுள்ள நெருக்கடி ஆகியவை குறித்து ஆராய்வதற்கான கூட்டம் ஒன்று மன்னாரில் இன்று நடைபெற இருப்பதாகத் தெரிகின்றது.
அதேசமயம், மன்னாரில் கனிய மணல் அகழ்வது தொடர்பான விடயத்திலும் சிக்கல் நீடிக்கும் நிலையில் அது
தொடர்பான அரச உயர்மட்டக் கூட்டம் ஒன்று நாளை கொழும்பில் நடைபெற இருப்பதாகத் தெரியவருகின்றது.
மன்னாரில் காற்றாலைகள் அமைப்பது தொடர்பில் ஜனாதிபதியோடு இணக்கம் ஒன்று காணப்பட்டிருப்பதாகக் கொழும்பில் தெரிவிக்கப்பட்டாலும், அந்தக் காற்றாலை அமைப்புக்கு எதிராகப் போராடி வருகின்ற பொதுத் தரப்புகளுக்கு அது பற்றிய தகவல் இன்னமும் தெரிவிக்கப்படவில்லை என்று ஒரு செய்தி வட்டாரம்
குறிப்பிட்டது.