இதன்படி, 2026 ஆம் ஆண்டுக்கான வரவு செலவுத் திட்டத்தின் இரண்டாம் வாசிப்பு மீதான விவாதம் இன்று (08) முதல் ஆரம்பமாகிறது.
வரவு - செலவுத் திட்டத்தின் இரண்டாம் வாசிப்பு மீதான வாக்கெடுப்பு நவம்பர் மாதம் 14 ஆம் திகதி வெள்ளிக்கிழமை மாலை 6 மணிக்கு நடைபெற திட்டமிடப்பட்டுள்ளதாக பாராளுமன்ற தகவல் தொடர்பு திணைக்களம் தெரிவித்துள்ளது.
வரவு செலவுத் திட்டத்தின் மூன்றாம் வாசிப்பு அல்லது குழுநிலை விவாதம் நவம்பர் மாதம் 15ஆம் திகதி முதல் 17 நாட்களுக்கு இடம்பெற்றதன் பின்னர், மூன்றாம் வாசிப்பு மீதான வாக்கெடுப்பு டிசம்பர் மாதம் 5ஆம் திகதி மாலை 6 மணிக்கு நடத்தப்படவுள்ளது.
வரவு செலவுத் திட்டக் காலப்பகுதியில் அரசாங்க விடுமுறை தினங்கள் மற்றும் ஞாயிற்றுக்கிழமைகள் தவிர்ந்த ஏனைய அனைத்து நாட்களிலும் வரவு செலவுத் திட்ட விவாதம் நடத்தப்படவுள்ளதாக பாராளுமன்ற தகவல் தொடர்பு திணைக்களம் மேலும் தெரிவித்தது.
2026ஆம் ஆண்டுக்கான வரவு செலவுத் திட்டம் நேற்று (07) பிற்பகல் ஜனாதிபதி அனுர குமார திசாநாயக்க அவர்களால் பாராளுமன்றத்தில் சமர்ப்பிக்கப்பட்டது.
ஜனாதிபதி அவர்கள் 4 மணி நேரத்துக்கும் அதிகமான காலப்பகுதிக்கு வரவு செலவுத் திட்ட முன்மொழிவுகளைச் சமர்ப்பித்தமை இதில் குறிப்பிடத்தக்க விடயமாகும்.