திகதி) பிற்பகலில் சமர்ப்பிக்கப்படவுள்ள 2026ஆம் ஆண்டுக்கான வரவுசெலவுத் திட்ட முன்மொழிவுகளுக்கு அமைச்சரவை ஒப்புதல் அளித்துள்ளது.
வரவுசெலவுத் திட்ட உரை இன்று பி.ப. 01.30 மணிக்கு ஜனாதிபதியால் பாராளுமன்றத்தில் சமர்ப்பிக்கப்படவுள்ளது.
2026ஆம் ஆண்டுக்கான ஒதுக்கீட்டுச் சட்டமூலத்தின் இரண்டாவது வாசிப்பு, அதாவது வரவுசெலவுத் திட்ட உரை இன்று (07) பிற்பகல் சமர்ப்பிக்கப்படவுள்ளது.
நிதியமைச்சர், திட்டமிடல் மற்றும் பொருளாதார அபிவிருத்தி அமைச்சராக ஜனாதிபதி அனுர குமார திசாநாயக்க அவர்கள் இன்று பிற்பகல் 01.30 மணிக்கு வரவுசெலவுத் திட்ட உரையை பாராளுமன்றத்தில் சமர்ப்பிக்கவுள்ளார்.
அதன்படி, ஒதுக்கீட்டுச் சட்டமூலம் தொடர்பான வரவுசெலவுத் திட்ட விவாதம் நாளை (08) முதல் டிசம்பர் மாதம் 5ஆம் திகதி வரை நடைபெறும் என்று பாராளுமன்ற தொடர்பாடல் திணைக்களம் தெரிவித்துள்ளது.
வரவுசெலவுத் திட்டத்தின் இரண்டாவது வாசிப்பு மீதான வாக்கெடுப்பு நவம்பர் 14ஆம் திகதி வெள்ளிக்கிழமை மாலை 6.00 மணிக்கு நடத்தப்படவுள்ளது.
வரவுசெலவுத் திட்டத்தின் மூன்றாவது வாசிப்பு, அதாவது குழு நிலை விவாதம், நவம்பர் 15ஆம் திகதி முதல் 17 நாட்களுக்கு இடம்பெற்ற பின்னர், வரவுசெலவுத் திட்டத்தின் மூன்றாவது வாசிப்பு மீதான வாக்கெடுப்பு டிசம்பர் மாதம் 5ஆம் திகதி மாலை 6 மணிக்கு நடத்தப்படவுள்ளது.
வரவுசெலவுத் திட்ட காலப்பகுதியில், அரச விடுமுறை நாட்கள் மற்றும் ஞாயிற்றுக்கிழமைகள் தவிர்ந்த அனைத்து நாட்களிலும் வரவுசெலவுத் திட்ட விவாதம் நடைபெறும் என்று பாராளுமன்ற தொடர்பாடல் திணைக்களம் தெரிவித்துள்ளது.
2026ஆம் ஆண்டுக்கான மொத்த அரசாங்க செலவு 4,434 பில்லியன் ரூபாவாகும்.
அமைச்சுக்களுக்கான நிதி ஒதுக்கீடு:
வரவிருக்கும் ஆண்டுக்கான ஒதுக்கீட்டுச் சட்டமூலத்தில் அதிகபட்ச நிதி ஒதுக்கீடு நிதியமைச்சுக்கு வழங்கப்பட்டுள்ளது, இதன் தொகை 634 பில்லியன் ரூபாவாகும்.
மாகாண சபைகள் மற்றும் உள்ளூராட்சி மன்ற அமைச்சுக்கு 618 பில்லியன் ரூபா ஒதுக்கப்பட்டுள்ளது.
பொது நிர்வாக அமைச்சுக்கு 596 பில்லியன் ரூபா ஒதுக்கப்பட்டுள்ளது.
சுகாதார மற்றும் வெகுசன ஊடக அமைச்சுக்கு ஒதுக்கப்பட்ட நிதி 554 பில்லியன் ரூபாவாகும்.
பாதுகாப்பு அமைச்சுக்கு ஒதுக்கப்பட்ட நிதி 455 பில்லியன் ரூபாவாகும்.
கல்வி அமைச்சுக்கு 301 பில்லியன் ரூபா ஒதுக்கப்பட்டுள்ளது.
ஜனாதிபதியின் செலவுத் தலைப்பிற்காக 11 பில்லியன் ரூபா ஒதுக்கப்பட்டுள்ளது.
இது 2025ஆம் ஆண்டில் ஜனாதிபதியின் செலவுத் தலைப்பிற்கு ஒதுக்கப்பட்ட 2.7 பில்லியன் ரூபாவிலிருந்து சுமார் 8 பில்லியன் ரூபா அதிகமாகும்.
பிரதானமாக, அபிவிருத்தித் திட்டங்களுக்காக 2026ஆம் ஆண்டு 8.29 பில்லியன் ரூபா ஒதுக்கப்பட்டமையே இவ்வாறு செலவுத் தலைப்பு அதிகரிக்கக் காரணமாகும் என்று குறிப்பிடப்பட்டுள்ளது.
அத்துடன், 2026 ஒதுக்கீட்டுச் சட்டமூலத்தில் ஓய்வூதியங்களுக்காக 488 பில்லியன் ரூபா ஒதுக்கப்பட்டுள்ளது.
எவ்வாறாயினும், 2026ஆம் ஆண்டுக்கான செலவுகளை ஈடுசெய்வதற்காக உள்நாட்டிலும் வெளிநாட்டிலும் பெறக்கூடிய அதிகபட்ச கடன்களின் உச்ச வரம்பு 3,800 பில்லியன் ரூபா என ஒதுக்கீட்டுச் சட்டமூலத்தில் குறிப்பிடப்பட்டுள்ளதுடன், இந்த வரம்பை மீறக்கூடாது என்றும் அதில் குறிப்பிடப்பட்டுள்ளது.