ரூபாயால் அதிகரிக்க வேண்டியிருக்கும் என்று அகில இலங்கை பேக்கரி உரிமையாளர்கள் சங்கத்தின் தலைவர் என்.கே. ஜயவர்தன தெரிவித்தார்.
இதனால், பட்டர் கேக் கிலோகிராம் ஒன்றின் விலை ஆயிரத்து ஐநூறு ரூபாய்க்கு (1,500) உயரும் என்றும், தற்போது நாட்டில் முட்டைத் தட்டுப்பாடு ஏற்பட்டுள்ளதால், அதற்கு உடனடியாகத் தீர்வு காணுமாறு அரசாங்கத்திடம் கோரிக்கை விடுப்பதாகவும் அவர் கூறினார்.
அகில இலங்கை பேக்கரி உரிமையாளர்கள் சங்கத்தின் சீதுவை ரத்த்தொலுகமையில் அமைந்துள்ள பிரதான அலுவலகத்தில் நேற்று (04ஆம் திகதி) நடைபெற்ற ஊடகவியலாளர் சந்திப்பில் அவர் இதனைத் தெரிவித்தார்.
முட்டை உற்பத்தியாளர்கள் சங்கத்தின் கூற்றுப்படி, நாடு முழுவதும் பண்ணைகளில் இருந்த சுமார் 30 இலட்சம் முட்டையிடும் கோழிகள் வெள்ளத்தில் சிக்கி அழிந்துவிட்டதாக அவர் கூறினார்.
இதனால், எதிர்காலத்தில் முட்டைத் தொடர்பாக ஒரு பெரிய நெருக்கடியை எதிர்கொள்ள நேரிடும் என்றும், 30 இலட்சம் முட்டையிடும் கோழிகளை மீண்டும் உருவாக்க ஒரு வருடம் வரை ஆகலாம் என்றும் தலைவர் தெரிவித்தார்.
முட்டையின் விலை தற்போது 40 ரூபாய் வரை உயர்ந்துள்ளதாகவும், இதனால் முட்டை விநியோகம் குறித்து அரசாங்கம் உடனடியாக நடவடிக்கை எடுக்க வேண்டும் என்றும் அவர் கூறினார். மேலும், போதுமான முட்டைகள் கிடைக்கவில்லை என்றால் பேக்கரித் தொழில் முழுவதுமாக ஸ்தம்பிக்கும் அபாயம் இருப்பதாகவும் தெரிவித்தார்.
குறைந்த விலையில் மக்களுக்கு ஊட்டச்சத்து கிடைக்கும் ஒரே உணவு முட்டை என்றும், முட்டைப் பிரச்சினையைத் தீர்க்க அரசாங்கம் உடனடியாகத் தலையிட வேண்டும் என்றும் அவர் கோரினார்.
இலங்கையில் அதிகபட்ச முட்டை விற்பனை டிசம்பர் மாதத்தில் தான் நடக்கிறது என்றும், பாண் தவிர கேக் உட்பட அனைத்து பேக்கரி தயாரிப்புகளுக்கும் முட்டை பயன்படுத்தப்படுகிறது என்றும் தலைவர் குறிப்பிட்டார்.