ரணிலின் முன்னாள் ஆலோசகர் கைது!

இலஞ்சம் அல்லது ஊழல் பற்றிய சார்த்துதல்களை விசாரிக்கும் ஆணைக்குழுவின் அதிகாரிகளால் இவர் கைது செய்யப்பட்டார்.

2015ஆம் ஆண்டில் பிரதமரின் சிரேஷ்ட ஆலோசகராக கடமையாற்றியபோது, தேவையில்லாத உணவு தானியங்களை தற்காலிகமாக களஞ்சியப்படுத்துவதற்குப் பயன்படுத்தப்படும் 50 கோக்குன் (Cokoon) களஞ்சியங்களை வாங்குவதற்கு, சரியான நடைமுறையைப் பின்பற்றாமல், குற்றஞ்சாட்டப்பட்டவரால் அறிமுகப்படுத்தப்பட்ட நிறுவனம் மூலம் இறக்குமதி செய்து கொள்வனவு செய்யுமாறு கூட்டுத்தாபன அதிகாரிகளைத் தூண்டினார் என்பதே சரித ரத்வத்த மீது சுமத்தப்பட்டுள்ள குற்றச்சாட்டாகும்.

இதன்படி, அரசாங்கத்திற்கு ரூ. 99,679,799 இழப்பை ஏற்படுத்திய மற்றும் அந்தத் தொகைக்கு சமனான இலாபத்தை ஒரு வெளிப்புறத் தரப்பினருக்கு வழங்கிய குற்றச்சாட்டுகளின் கீழ் சரித ரத்வத்த இன்று (04) காலை 8.25 மணியளவில் கைது செய்யப்பட்டுள்ளார்.

கைது செய்யப்பட்ட அவர் கொழும்பு பிரதான நீதவான் நீதிமன்றில் ஆஜர்படுத்தப்படவுள்ளார்.