பிரிவுக்கு வழங்க, அரசாங்கம் தீர்மானித்துள்ளதாகத் தெரிவிக்கப்படுகிறது.
அரசாங்கத்தின் உயர்மட்ட அதிகாரிகள் குழுவுடனான கலந்துரையாடலில் இந்த விடயம் கலந்துரையாடப்பட்டதாக தகவல்கள் தெரிவிக்கின்றன.
முன்னாள் ஜனாதிபதிகளின் உரிமைகளை நீக்கும் புதிய சட்டமூலம் கடந்த வருடம் பாராளுமன்றத்தில் சமர்ப்பிக்கப்பட்டதுடன், எதிர்வரும் காலங்களில் அச்சட்டமூலத்தை நிறைவேற்ற அரசாங்கம் எதிர்பார்த்துள்ளது.
இந்தச் சட்டமூலம் நிறைவேற்றப்பட்ட பிறகு, முன்னாள் ஜனாதிபதிகளின் ஓய்வூதியம் தவிர, குடியிருப்புகள் உட்பட மற்ற அனைத்து வசதிகளும் இரத்து செய்யப்படும்.
முன்னாள் ஜனாதிபதிகளின் உரிமைகளை நீக்கும் புதிய சட்டமூலம் தொடர்பான உயர் நீதிமன்றத்தின் தீர்மானமும் இன்றோ நாளையோ, சபாநாயகரிடம் கையளிக்கப்படவுள்ளது.
மஹிந்த ராஜபக்ஷ தற்போது வசித்து வரும் விஜேராம மாவத்தையில் உள்ள உத்தியோகபூர்வ இல்லத்தில், முன்னாள் ஜனாதிபதி மைத்திரிபால சிறிசேன வசித்து வந்தார். அதற்கு முன்னர் பல அமைச்சர்கள் அங்கு வசித்தமை குறிப்பிடத்தக்கது.