நிவாரணக் குழுக்கள் வருகை தருவது அந்தப் பணிகளுக்கு இடையூறாக அமைந்துள்ளதாக பொலிஸார் தெரிவிக்கின்றனர்.
இந்த நிவாரணக் குழுக்கள் ஆற்றிவரும் சேவைக்கு தமது கௌரவமான நன்றியைத் தெரிவிப்பதாக, பொலிஸ் ஊடகப் பேச்சாளரும் உதவிப் பொலிஸ் அத்தியட்சகருமான எஃப்.யூ. வூட்லர் குறிப்பிட்டார்.
எவ்வாறாயினும், சில மாவட்டங்களில் வீதி திருத்தும் பணிகள் இடம்பெறும் பகுதிகளுக்கு அதிக எண்ணிக்கையிலான வாகனங்கள் வருகை தருவது அப்பணிகளுக்கு இடையூறாக உள்ளதுடன், சில மோட்டார் சைக்கிள் ஓட்டிகள் வந்து அனர்த்தத்திற்கு உள்ளான இடங்களை அவதானித்து, அவற்றைப் வீடியோ எடுப்பது சம்பந்தப்பட்ட இடங்களில் கடமையில் உள்ளவர்களுக்கு இடையூறாக உள்ளதாகவும் பொலிஸ் ஊடகப் பேச்சாளர் மேலும் தெரிவித்தார்.
இவ்வாறு வருகை தருபவர்களுக்கும் நிலைமை ஆபத்தானது என்றும் தெரிவித்த பொலிஸ் ஊடகப் பேச்சாளர், நிவாரணக் குழுக்கள் குறித்த பிரதேசங்களில் உள்ள பிரிவுகளுக்குப் பொறுப்பான நிலையப் பொறுப்பதிகாரிகளுடன் தொடர்புகொண்டு நிவாரணங்களை மக்களுக்கு வழங்க நடவடிக்கை எடுக்குமாறு அறிவுறுத்துகிறார்.
மேலும், அனர்த்த நடவடிக்கைப் பிரிவுக்கு அழைத்து நிவாரணங்களை வழங்க நடவடிக்கை எடுக்குமாறும் பொலிஸ் ஊடகப் பேச்சாளர் பொதுமக்களிடம் கோரிக்கை விடுக்கின்றார்.
பொலிஸ் விசேட நடவடிக்கைப் பிரிவின் தொலைபேசி இலக்கங்கள்:
071- 8595884
071- 8595883
071- 8595882
071- 8595881
071- 8595880