வழங்குவதற்காக வெளிநாடுகள், நிறுவனங்கள், தனிநபர்கள் மற்றும் வெளிநாட்டு இலங்கையர்கள் பல்வேறு வினவல்களை விடுத்துள்ளனர்.
அதன்படி, அவர்கள் இலங்கைக்கு அனுப்பும் பொருள் உதவிகளை அனைத்து சுங்க வரிகள் மற்றும் கட்டணங்கள் இன்றி துரிதமாக விடுவித்து விநியோகிப்பதற்காக இலங்கை அரசாங்கம் இலகுவான பொறிமுறையொன்றை அறிவித்துள்ளது.
நன்கொடைகள் தொடர்பான வழிகாட்டுதல்களுக்கு www.customs.gov.lk என்ற இணையத்தளத்தைப் பார்வையிடலாம். அத்துடன், இவ்வாறு நன்கொடையாக வழங்கக்கூடிய அத்தியாவசியப் பொருட்கள் மற்றும் பொருட்களின் வகைகள் பற்றிய விரிவான தகவல்களை www.donate.gov.lk என்ற இணையத்தளத்தில் பெற்றுக்கொள்ளலாம்.
வெளிநாட்டு நன்கொடையாளர்கள் எந்தவொரு போக்குவரத்து முறையையும் பின்பற்றி இந்த பொருள் உதவிகளை இலங்கைக்கு அனுப்ப அனுமதிக்கப்படுகிறார்கள். எனினும், அந்தப் பொருட்கள் அனைத்து சுங்க வரிகள் மற்றும் கட்டணங்கள் இன்றி விடுவிக்கப்படுவதற்கு வசதி பெறுவதற்கு, அனைத்துப் பொருட்களும் பின்வரும் முகவரிக்கு அனுப்பப்பட வேண்டும்:
செயலாளர், பாதுகாப்பு அமைச்சு, அனர்த்த முகாமைத்துவ மத்திய நிலையம் (DMC), வித்யா வீதி, கொழும்பு 07
மேலும், இந்த பொருள் நன்கொடை இந்நாட்டிலுள்ள வேறு ஒரு நபர் அல்லது நிறுவனத்தின் பெயருக்கு அனுப்பப்படும் பட்சத்தில், வரி விலக்கு அவசியமாயின், அந்த நன்கொடையை அனர்த்த முகாமைத்துவ மத்திய நிலையத்திடம் ஒப்படைக்க சம்பந்தப்பட்ட தரப்பினர் சம்மதிக்க வேண்டும். அவ்வாறு இல்லையெனில், சாதாரண சுங்க அனுமதிப்பத்திர செயல்முறையினூடாகவே அது மேற்கொள்ளப்பட வேண்டும்.
www.customs.gov.lk இணையத்தளத்தைப் பார்வையிடுவதன் மூலமாகவோ அல்லது +94 70 475 2823 என்ற அவசர இலக்கத்தின் மூலமாகவோ அல்லது relief25@customs.gov.lk என்ற மின்னஞ்சல் மூலமாகவோ இதுபற்றி மேலதிக தகவல்களைப் பெற்றுக்கொள்ளலாம்.
அனர்த்த முகாமைத்துவ மத்திய நிலையத்தின் கீழ் விடுவிக்கப்படும் அனைத்துப் பொருட்களும் அரசாங்கத்தால் அங்கீகரிக்கப்பட்ட வழிகாட்டுதல்களுக்கு அமைய, பாதிக்கப்பட்ட சமூகத்தினருக்கு முறையாகவும் துரிதமாகவும் விநியோகிக்கப்படுவதை உறுதி செய்வதையும், நன்கொடைகளை வழங்குவதற்கு நன்கொடையாளர்களை ஊக்குவிப்பதையும் அரசாங்கம் இதன் மூலம் எதிர்பார்ப்பதாக ஜனாதிபதி ஊடகப் பிரிவு வெளியிட்டுள்ள அறிக்கையில் தெரிவிக்கப்பட்டுள்ளது.