அதிகார சபைக்கு சொந்தமான A மற்றும் B தர பிரதான வீதிகள் 256க்கும் அதிகமானவை சேதமடைந்துள்ளதாகவும், அங்கு போக்குவரத்து நடவடிக்கைகள் முழுமையாக தடைப்பட்டுள்ளதாகவும் அந்த அதிகார சபையின் பணிப்பாளர் நாயகம் விமல் கண்டம்பி தெரிவித்தார்.
அத்துடன், சுமார் 15 பிரதான பாலங்கள் உடைந்தும் ஆபத்தான நிலையிலும் உள்ளதாகவும் பணிப்பாளர் நாயகம் தெரிவித்தார்.
பிரதான நகரங்களை இணைக்கும் வீதி அமைப்பு செயலிழந்துள்ளதால் தடைப்பட்டுள்ள போக்குவரத்து நடவடிக்கைகளை வழமைக்குக் கொண்டுவருவதை முதன்மைக் கடமையாகக் கருதி, மாகாண மற்றும் மாவட்ட மட்டங்களில் அனைத்து தரவுகளையும் பெற்று, வீதி புனரமைப்புப் பணிகளை துரிதப்படுத்துவதற்கான நடவடிக்கைகள் ஆரம்பிக்கப்பட்டுள்ளதாக அவர் குறிப்பிட்டார்.
அதன்படி, இதுவரை சேதமடைந்த வீதிகளில் 123 வீதிகளை உடனடியாக புனரமைத்து வாகனப் போக்குவரத்துக்கு திறந்துள்ளதாகவும், நகரங்களுக்கு இடையிலான இணைப்பு துண்டிக்கப்பட்டுள்ள ஏனைய வீதிகளையும் சுமார் 10 நாட்களுக்குள் வாகனப் போக்குவரத்துக்கு திறக்க நடவடிக்கை எடுக்கப்படும் என்றும் பணிப்பாளர் நாயகம் கூறினார்.
வெள்ளத்தில் மூழ்கிய வீதிகளில் நீர் வடிந்ததன் பின்னர் புனரமைப்புப் பணிகள் ஆரம்பிக்கப்படும் என்றும், மண்சரிவு, மண்மேடுகள் சரிவு மற்றும் பாரிய கற்கள் விழுந்த வீதிகள் உடனடியாக வழமைக்குக் கொண்டுவரப்பட்டதன் காரணமாகவே நேற்று (டிசம்பர் 1) வரை 123 வீதிகளில் வாகனப் போக்குவரத்தை மேற்கொள்ள முடிந்தது என்றும் அவர் தெரிவித்தார்.
உடைந்துபோன பாலங்களுக்கு நிரந்தரப் பாலங்கள் அமைக்கப்படும் வரை, அதற்குப் பதிலாக தற்காலிக தடுப்பணைப் பாலங்கள் (Dam Bridges) அமைக்க நடவடிக்கை எடுக்கப்பட்டுள்ளதாகவும் பணிப்பாளர் நாயகம் மேலும் தெரிவித்தார்.