வெள்ளம் ஏற்பட்ட பகுதிகளில் குடிநீரைப் பயன்படுத்துவதில் கவனம்!

சுகாதார பரிசோதகர்கள் சங்கம் தெரிவித்துள்ளது.

வெள்ளப்பெருக்கு ஏற்பட்ட பகுதிகளில் கிணற்று நீரை அருந்துவதைத் தவிர்க்குமாறு அதன் செயலாளர் சமில் முத்துக்குட கேட்டுக்கொண்டுள்ளார்.

அத்துடன், வயிற்றுப்போக்கு போன்ற நிலைமைகள் ஏற்படுவதற்கான அதிக வாய்ப்பு இருப்பதால், முடிந்தவரை காய்ச்சி ஆறவைத்த தண்ணீரைக் குடிக்குமாறும் அவர் அறிவுறுத்தியுள்ளார்.

மேலும் கருத்து தெரிவித்த செயலாளர், சிறு குழந்தைகளுக்கும் காய்ச்சி ஆறவைத்த தண்ணீரையே குடிக்கக் கொடுக்குமாறும் குறிப்பிட்டுள்ளார்.

தற்போதைய அனர்த்த நிலை காரணமாக வீட்டைச் சுற்றி நுளம்புகள் பெருகும் இடங்கள் இருக்கக்கூடும் என்பதால், வீட்டைச் சுத்தம் செய்யும் போது அது குறித்து கவனம் செலுத்தி நுளம்பு பெருக்கத்தின் இடங்களை அழிக்குமாறு அவர் கேட்டுக்கொண்டார்.

அவ்வாறு செய்யாவிட்டால் டெங்கு மற்றும் சிக்குன்குனியா பரவுவதற்கான கடுமையான ஆபத்து உள்ளது என்றும் சமில் முத்துக்குட மேலும் தெரிவித்தார்.