1200 x 80 DMirror

 
 

நாட்டிற்கு இறக்குமதி செய்யப்பட்டுள்ள நனோ யூரியாவை தாம் இறக்குமதி செய்யவில்லை என இயற்கை உரங்கள் அமைச்சு தெரிவித்துள்ளது.

இயற்கை உர உற்பத்தி, ஊக்குவிப்பு மற்றும் விநியோக ஒழுங்குமுறை மற்றும் இயற்கை உரங்கள், இயற்கை உணவு, காய்கறிகள், பழங்கள், மிளகாய், வெங்காயம் மற்றும் உருளைக்கிழங்கு பயிர்ச்செய்கை,நெல்,விதை உற்பத்தி மற்றும் உயர் தொழில்நுட்ப விவசாயம் ஆகியவற்றின் விநியோகத்தை ஊக்குவித்தல் இராஜாங்க அமைச்சர் ஷசீந்திர ராஜபக்ஷவின் தலையீட்டிலேயே நனோ யூரியா இறக்குமதி மேற்கொள்ளப்பட்டதாக வெளியான கருத்துக்கு பதிலளிக்கும் போதே அவர் இவ்வாறு தெரிவித்துள்ளார்.

“எனது அமைச்சு இயற்கை உரத்திற்கானது. இயற்கை உரம் என்பது உரத்தை இறக்குமதி செய்வது அல்ல. எனக்கும் அப்படிப்பட்ட இறக்குமதிக்கும் எந்த சம்பந்தமும் இல்லை. ஏனெனில் ஜூன் மாதம் இந்த அமைச்சுப் பொறுப்பை நான் பொறுப்பேற்பேன். இது தொடர்பான அனைத்து முடிவுகளும் விவசாய அமைச்சகத்தால் எடுக்கப்பட்டது. குறிப்பாக நான் இதில் ஈடுபடவில்லை.

எவ்வாறாயினும், நனோ யூரியா விவகாரம் தனது சொந்த அமைச்சினால் கையாளப்படவில்லை என்றும், இராஜாங்க அமைச்சர் ஷசீந்திர ராஜபக்ஷவின் கீழ் உள்ள உர அமைச்சினால் கையாளப்பட்டது என்றும் விவசாய அமைச்சர் மஹிந்தானந்த அளுத்கமகே கடந்த 18ஆம் திகதி தெரிவித்திருந்தார்.

இது தொடர்பில் நாம் வினவிய போது ஜனாதிபதி செயலகத்தின் சிரேஷ்ட அதிகாரியொருவர் கூறுகையில், உரம் தொடர்பான அனைத்து அரச நிறுவனங்களையும் அது தொடர்பான அனைத்து பொறுப்புகளையும் ஜனாதிபதி அமைச்சர் ஷசீந்திர ராஜபக்ஷவின் அமைச்சுக்கு அரச வர்த்தமானி மூலமாக வழங்கியுள்ளார்.

ஜனாதிபதியினால் வெளியிடப்பட்ட வர்த்தமானி அறிவித்தலின் பிரகாரம், தேசிய உர செயலகம், இலங்கை உர நிறுவனம், கொழும்பு வர்த்தக உர நிறுவனம், ஜனதா பெர்டிலைசர் எண்டர்பிரைசஸ் லிமிடெட் ஆகியன சசீந்திர ராஜபக்ஷவுக்கு மாற்றப்பட்டு சர்ச்சைக்குரிய சீன உரம் செலுத்தும் உத்தரவை லங்கா உரக்கம்பனிக்கு வழங்கப்பட்டுள்ளது. கொழும்பு வர்த்தக உர நிறுவனம் ஊடாக இந்தியாவில் இருந்து யூரியா இறக்குமதி செய்யப்பட்டுள்ளது.

எமக்கு தகவல் வழங்கிய ஜனாதிபதி செயலக அதிகாரி, உர மாதிரிகளை பரிசோதித்தல், விலை மனுக்கோரல் உர உற்பத்தி, உர இறக்குமதி, கொள்வனவு தீர்மானங்கள் மற்றும் விநியோகம் ஆகிய பணிகள் இராஜாங்க அமைச்சுக்கு வழங்கப்பட்டுள்ளது. அந்த இராஜாங்க அமைச்சகத்தின் கீழ் உரச் சட்டமும் செயல்படுத்தப்படுகிறது.

இதேவேளை, இந்தியாவில் இருந்து நனோ யூரியா இறக்குமதியில் மோசடி இடம்பெற்றுள்ளதா என்பது தொடர்பில் தம்மிடம் அறிக்கை சமர்ப்பிக்குமாறு குற்றப் புலனாய்வுப் பிரிவின் தலைவருக்கு ஜனாதிபதி உத்தரவிட்டுள்ளார்.

336 x 200 Sinhala

கேலிச் சித்திரம்

பிந்திய செய்தி