வெளிநாடுகளில் மறைத்து வைத்துள்ள பணத்தை மீட்கவும், பறிமுதல் செய்யவும் புதிய சட்டத்தை இயற்ற அரசு முடிவு செய்துள்ளது.
சர்வதேச நாணய நிதியம் வழங்கிய அறிவுறுத்தல்களின்படி இந்த சட்டத்தை அமுல்படுத்த எதிர்பார்ப்பதாக இலங்கை அரசாங்கம் ஏற்கனவே சர்வதேச நாணய நிதியத்திற்கு அறிவித்துள்ளது.
இந்த புதிய சட்டத்தை உருவாக்கி 2024 மார்ச் மாதத்திற்குள் பாராளுமன்றத்தில் சமர்ப்பிக்க நீதி அமைச்சர் உறுதியளித்துள்ளதாக இராஜதந்திர வட்டாரங்கள் தெரிவிக்கின்றன.
பல்வேறு நாடுகளில் கணக்கு வைத்திருக்கும் அரசியல்வாதிகள் மற்றும் பாதாள உலகக் குற்றவாளிகள் அல்லது பல பில்லியன் அமெரிக்க டாலர்கள் கறுப்புப் பணத்தை வெள்ளையாக்கும் திட்டங்களில் முதலீடு செய்தவர்கள் பற்றிய உறுதிப்படுத்தப்படாத அறிக்கைகள் அரசாங்கத்திற்கு கிடைத்துள்ளதாக தகவல்கள் தெரிவிக்கின்றன. பனாமா பேப்பர்கள், பண்டோரா பேப்பர்கள் போன்றவற்றின் மூலமும் இதுபோன்ற கருப்புப் பண முதலீட்டாளர்கள் பற்றிய தகவல்கள் தெரிவிக்கப்பட்டன.