சஜித் பிரேமதாச தலைமையிலான சமகி ஜன பலவேகயவின் அரசியலமைப்பு கட்சியின் இடைக்கால செயற்குழுவால் அங்கீகரிக்கப்பட்டுள்ளது. அது கடந்த சனிக்கிழமை பண்டாரவல ஹோட்டலில் இடம்பெற்ற விசேட சந்திப்பில் நடைபெற்றுள்ளது.அரசியலமைப்பின் படி, கட்சித் தலைவர் பதவி மற்றும் கட்சியின் மூத்த தலைவர்கள்,துணைத் தலைவர் அல்லது துணைத் தலைவர்கள் ஆகிய நியமனங்கள் இடம்பெற்றுள்ளன. அரசியலமைப்பின் படி, கட்சித் தலைவர் ஒவ்வொரு ஆண்டும் செயற்குழுவால் தேர்ந்தெடுக்கப்படுவார்.
அரசியலமைப்பின் படி, எதிர்க்கட்சித் தலைவர் சஜித் பிரேமதாசா கட்சியின் தலைவராக நியமிக்கப்படவுள்ளார்.
கட்சியின் உப தலைவராக நாடாளுமன்ற உறுப்பினர் கபீர் ஹாஷிம் நியமிக்கப்பட உள்ளார்.
அரசியலமைப்பின் படி, 06 மூத்த துணைத் தலைவர்களும் மற்றும் 05 துணைத் தலைவர்களும் நியமிக்கப்படவுள்ளனர்.
மூத்த துணைத் தலைவர்களாக குமார வெல்கம, ராஜித சேனாரத்ன, சம்பிக ரணவக, தலதா அத்துகோரல, இம்தியாஸ் பாக்கீர் மாக்கார் மற்றும் சரத் பொன்சேகா ஆகியோர் பரிந்துரைக்கப்பட்டுள்ளதாக தகவல்கள் தெரிவிக்கின்றன.
மேலும், ரவி சமரவீர, சுஜீவசேனசிங்க, அஜித் பி. பெரேரா, சந்த்ராணி பண்டாரா, ரஞ்சித் அலுவிஹாரே ஆகியோர் துணைத் தலைவர்களாக பரிந்துரைக்கப்பட்டுள்ளனர்.
பொதுச் செயலாளராக மத்தும பண்டாராவும் தேசிய அமைப்பாளராக திஸ்ஸ அத்தநாயக்கவும் நியமிக்கப்படவுள்ளனர்.
கட்சியின் பொதுச் செயலாளராக ரஞ்சித் மத்தும பண்டாரவையும், துணைச் செயலாளராக அசோக அபேசிங்கவையும் மீண்டும் நியமிக்க முன்மொழியப்பட்டுள்ளதாக தெரிவிக்கப்பட்டுள்ளது.
துணைச் செயலாளராக சுஜீவசேனசிங்கவையும் துணைத் தலைவராக அசோக அபேசிங்கவையும் நியமிக்க வாய்ப்பு இருப்பதாகத் தெரிவிக்கப்பட்டுள்ளது.
கட்சியின் தேசிய அமைப்பாளராக திஸ்ஸ அத்தநாயக்க நியமிக்கப்படவுள்ளார்.
செயற்குழு
சமகி ஜன பலவேகயவின் முன்மொழியப்பட்ட செயற்குழு சுமார் 80 உறுப்பினர்களைக் கொண்டுள்ளது.
கட்சியை பிரதிநிதித்துவப்படுத்தும் நாடாளுமன்ற உறுப்பினர்கள், மாகாண சபைகளின் முதலமைச்சர் அல்லது எதிர்க்கட்சித் தலைவர்கள் அதிகாரபூர்வமாக செயற்குழுவை பிரதிநிதித்துவப்படுத்துவர்.
மேலும், கட்சியின் உள்ளூர் மற்றும் நகர சபை தலைவர், செயலாளர், மூன்று தொழிற்சங்க பிரதிநிதிகள், கட்சியின் பெண்கள் அமைப்பின் இரண்டு பிரதிநிதிகள் மற்றும் இளைஞர் அமைப்பின் இரண்டு பிரதிநிதிகளுக்கும் செயற்குழுவை பிரதிநிதித்துவப்படுத்தும் வாய்ப்பு கிடைக்கும்.
மேலும், சஜித் பிரேமதாசவால் முன்மொழியப்பட்ட 32 பணிக்குழுக்களின் தலைவர்கள் செயற்குழு உறுப்பினர்களாக இருப்பார்கள்.
அரசியலமைப்பை வரைவு செய்பவர்கள்:
சமகி ஜன பலவேகயவின் இந்த அரசியலமைப்பை ஜனாதிபதி சட்டத்தரணிகளான விஜேகுணவர்தன மற்றும் ஃபர்மன் பெ காசிம் ஆகியோர் தயாரித்துள்ளனர்.
சட்டத்தரணி சுரேன் பெர்னாண்டோவும் இதற்கு தனது ஆதரவைத் தெரிவித்துள்ளார், ஒருங்கிணைப்பை நாடாளுமன்ற உறுப்பினர் திஸ்ஸ அத்தநாயக்க செய்துள்ளார்.
ஜனாதிபதி சட்டத்தரணி திசாத் விஜேகுணவர்தன முன்னாள் ஐ.தே.க பிரபலமான காமினி திஸாநாயக்கின் மகளின் கணவர் ஆவார்.
ஐக்கிய மக்கள் கூட்டணி:
தேர்தல் ஆணைக்குழு அலுவலகத்தில் அங்கீகரிக்கப்பட்ட அரசியல் கட்சியான சமகி ஜனபலவேகய எதிர்காலத்தில் சஜித் பிரேமதாசவின் அதிகாரப்பூர்வ அரசியல் கட்சியாக மாற உள்ளது.
இதற்கு சஜித் பிரேமதாச தலைமை தாங்குவார், ரவுப் ஹக்கீம், ரிஷாத் பதியுதீன், திகாம்பரம், மனோ கணேசன் மற்றும் ஜாதிக ஹெல உறுமய கட்சியின் பிரதிநிதிகள் அடங்கிய குழுவும் தலைமைக் குழுவில் இருக்கும்.
