சான்றிதழ்கள் இல்லை என அடையாளம் காணப்பட்டுள்ளதாக பெண்கள் மற்றும் சிறுவர் விவகார அமைச்சு தெரிவித்துள்ளது.
சில குழந்தைகளுக்கு பெற்றோர் அல்லது பாதுகாவலர்களின் அரவணைப்பு இல்லாமை மற்றும் அவர்களின் அடையாளத்தை உறுதிப்படுத்த முடியாமை போன்ற காரணங்களால் இந்தச் சிக்கல் எழுந்துள்ளதாகக் குறிப்பிடப்பட்டுள்ளது. தற்போது எழுந்துள்ள முக்கிய பிரச்சினை யாதெனில், இந்தக் குழந்தைகளை பாடசாலைக் கல்வியில் இணைக்கும்போது சமர்ப்பிக்க வேண்டிய பிறப்புச் சான்றிதழ் அவர்களிடம் இல்லாமையாகும்.
போதைப்பொருள் பழக்கம், திருட்டு, கொலை, பாதாள உலகக் குழுக்களின் செயற்பாடுகள் மற்றும் பல்வேறு குற்றச் செயல்களுடன் தொடர்புடையவர்கள், பெற்றோர் பராமரிப்பு இல்லாதவர்கள், வீதிகளில் கைவிடப்பட்டவர்கள், அத்துடன் பல்வேறு பாலியல் வன்முறைகள் மற்றும் துஷ்பிரயோகங்களுக்கு உள்ளாகி நீதிமன்றச் செயல்முறை மூலம் நன்னடத்தை பிரிவின் பொறுப்பிற்கு வந்த குழந்தைகள் இவர்களுள் அடங்குவர்.
இந்தக் குழந்தைகளின் பாதுகாவலர் அல்லது பெற்றோர் பராமரிப்பு இல்லாத காரணத்தினால், 'ஊகிக்கப்பட்ட வயது வரம்பின்' (Estimated Age) கீழ் அவர்களுக்கு பிறப்புச் சான்றிதழ்களை வழங்க திட்டமிடப்பட்டுள்ளது. சில சந்தர்ப்பங்களில், தாய் அல்லது தந்தையின் பெயருக்குப் பதிலாக, குறித்த நன்னடத்தை பராமரிப்பு நிலையம் அமைந்துள்ள மாகாண ஆணையாளரின் பெயரைப் பயன்படுத்துவது குறித்தும் அரசாங்கம் அவதானம் செலுத்தியுள்ளது.
இது தொடர்பாக பதிவாளர் நாயகம் திணைக்களத்தின் ஊடாக ஊகிக்கப்பட்ட வயது வரம்பின் கீழ் பிறப்புச் சான்றிதழ்களை வழங்க அரசாங்கம் நடவடிக்கை எடுத்து வருகின்றது.
இவர்கள் 18 வயது பூர்த்தியாகி மீண்டும் சமூகத்தில் இணையும்போது, அங்கீகரிக்கப்பட்ட நிறுவனங்களில் வேலைவாய்ப்பைப் பெறுவதும் ஒரு பிரச்சினையாக உள்ளது. ஏனெனில் இக்குழந்தைகள் நன்னடத்தை சிறுவர் பராமரிப்பு நிலையங்களிலுள்ள பாடசாலைகளிலேயே தமது கல்வியை முடித்துள்ளனர்.
தற்போது 46 அரச நன்னடத்தை பராமரிப்பு நிலையங்களிலும், அரச சார்பற்ற நிறுவனங்களினால் நடத்தப்படும் 308 நன்னடத்தை சிறுவர் பராமரிப்பு நிலையங்களிலும் மொத்தமாக 9,191 இளைஞர், யுவதிகள் மற்றும் சிறுவர்கள் தடுத்து வைக்கப்பட்டுள்ளனர்.