கல்வி அமைச்சின் அண்மைய புள்ளிவிபர அறிக்கை வெளிப்படுத்தியுள்ளது.
அதன்படி, முந்தைய ஆண்டில் 3,882,688 ஆக இருந்த மாணவர் எண்ணிக்கை, கடந்த ஆண்டில் 3,816,234 ஆகப் பதிவாகியுள்ளது. சிங்கள மொழிமூல மாணவர்கள் 68,141 பேரால் குறைந்துள்ள அதேவேளை, தமிழ் மொழிமூல மாணவர்கள் 11,911 பேரால் குறைந்துள்ளனர். முந்தைய ஆண்டுடன் ஒப்பிடுகையில் ஆங்கில மொழிமூல மாணவர்களின் எண்ணிக்கை 13,598 இனால் அதிகரித்துள்ளது.
5 ஆம் தர மாணவர்களின் எண்ணிக்கை 13,576 இனாலும், 4 ஆம் தர மாணவர்களின் எண்ணிக்கை 15,813 இனாலும் குறைந்துள்ளதுடன், 3 ஆம் தரத்தில் 11,742 மாணவர்களும், 2 ஆம் தரத்தில் 3,326 மாணவர்களும் குறைந்துள்ளனர்.
கல்வி அமைச்சின் புதிய அறிக்கையின்படி, பாடசாலைகளின் எண்ணிக்கை 10,096 இலிருந்து 10,076 ஆகக் குறைந்துள்ளது. முந்தைய ஆண்டுடன் ஒப்பிடுகையில் கடந்த ஆண்டில் தரம் 1 இற்கான மாணவர் சேர்க்கை 5,346 இனால் குறைந்துள்ளது. சிங்கள மொழிமூல மாணவர் சேர்க்கை 5,325 இனாலும், தமிழ் மொழிமூல மாணவர் சேர்க்கை 52 இனாலும் இவ்வாறு குறைந்துள்ளது.
மேலும், அரச அங்கீகாரம் பெற்ற தனியார் பாடசாலைகளின் மாணவர் எண்ணிக்கை கடந்த ஆண்டில் 137,886 ஆகக் காணப்பட்டதுடன், இது முந்தைய ஆண்டுடன் ஒப்பிடுகையில் 17 மாணவர்கள் அதிகரிப்பாகும்.