அதிகரித்துள்ளதாக அபாயகரமான ஔடதங்கள் கட்டுப்பாட்டு தேசிய சபை தெரிவித்துள்ளது.
இந்த ஆண்டின் முதல் 10 மாதங்களில் மாத்திரம் ஐஸ் போதைப்பொருள் பாவனைக்கு அடிமையான 60,000 இற்கும் மேற்பட்டோர் கைது செய்யப்பட்டுள்ளதாக அதன் ஆராய்ச்சிப் பிரிவின் உதவிப் பணிப்பாளர் தமர தர்ஷன தெரிவித்துள்ளார்.
கொழும்பு, கம்பஹா, களுத்துறை மற்றும் கண்டி ஆகிய மாவட்டங்களில் போதைப்பொருள் பாவனை அதிகமாகக் காணப்படுவதாக அரசாங்க தகவல் திணைக்களத்தில் நடைபெற்ற ஊடகவியலாளர் சந்திப்பில் கலந்துகொண்ட தமர தர்ஷன குறிப்பிட்டுள்ளார்.
"கடந்த சில வருடங்களின் கைது புள்ளிவிபரங்களின்படி, மெத்தாம்பேட்டமைன் போதைப்பொருள் பாவனை படிப்படியாக அதிகரித்து வருவதை அவதானிக்க முடிகிறது. கஞ்சா தொடர்பான ஒரு போக்கையும் காணமுடிகிறது. இருப்பினும், ஹெரோயின் மற்றும் கஞ்சா ஆகிய போதைப்பொருட்களுடன் ஒப்பிடுகையில் ஐஸ் போதைப்பொருள் பாவனை அதிகமாக அதிகரித்து வருகின்றது. கொழும்பு, கம்பஹா, களுத்துறை மற்றும் கண்டி மாவட்டங்களில் மெத்தாம்பேட்டமைன் தொடர்பான அதிகப் பரவலைக் காணமுடிகிறது. போதைப்பொருள் பயன்படுத்துபவர்களில் 99 வீதமானோர் பலவிதமான போதைப்பொருட்களைப் பயன்படுத்துபவர்களாவர். அவர்கள் சந்தர்ப்ப சூழ்நிலைக்கு ஏற்ப ஒன்று அல்லது அதற்கு மேற்பட்டவற்றைப் பயன்படுத்துகின்றனர்."
20 முதல் 30 வயதுக்கு இடைப்பட்ட இளைஞர்களே போதைப்பொருள் பாவனைக்கு அதிகளவில் ஈர்க்கப்பட்டுள்ளதாக இந்த ஊடகவியலாளர் சந்திப்பில் கலந்துகொண்ட அபாயகரமான ஔடதங்கள் கட்டுப்பாட்டு தேசிய சபையின் சிகிச்சை மற்றும் புனர்வாழ்வு பிரிவின் பணிப்பாளர் சாந்த கமகே தெரிவித்துள்ளார்.