புத்தசாசன அமைச்சு, நீதி அமைச்சு மற்றும் சட்டமா அதிபர் திணைக்களம் ஆகியன இணைந்து பேச்சுவார்த்தைகளை ஆரம்பித்துள்ளன.
அம்புலுவாவை திஸாநாயக்க முதியன்சேலாகே ஜயரத்ன சமய மத்திய நிலையம் மற்றும் பல்லுயிர் வளாக பாராமரிப்பு நிதியச் சட்டம் (2009ஆம் ஆண்டின் 44ஆம் இலக்கம்) என்பதன் கீழ் இது நிர்வகிக்கப்படுகிறது.
பொது நபரால் ஓர் அறக்கட்டளை ஆவணத்தின் மூலம் இதனுடன் தொடர்புடைய நிலம் இந்த நிதியத்திற்கு மாற்றப்பட்டுள்ளதுடன், அதில் குறிப்பிடப்பட்டுள்ள நிபந்தனைகளை இந்த நிதியம் மீறியுள்ளதாகத் தகவல்கள் வெளியாகியுள்ளன. குறித்த சட்டத்தின் 19ஆவது பிரிவின்படி, அம்புலுவாவையின் நிறுவுனராக கௌரவ திஸாநாயக்க முதியன்சேலாகே ஜயரத்ன இருக்க வேண்டும் எனக் குறிப்பிடப்பட்டுள்ளது.
மேலும், அந்தச் சட்டத்தின் 16ஆவது பிரிவில், நிறுவுனர் காலமானால் அவரது மகனே அந்தப் பதவிக்கு நியமிக்கப்பட வேண்டும் என்றும், அதன் பின்னர் பரம்பரையில் வரும் மூத்த ஆண் வாரிசு ஒருவரே அதற்குத் தகுதியானவர் என்றும் குறிப்பிடப்பட்டுள்ளது.
நிறுவுனரால் நியமிக்கப்படும் ஏழு பேரைக் கொண்ட பெரும்பான்மையுடன் இயங்கும் இந்த நிதியம் குறித்துக் கடுமையான விமர்சனங்கள் எழுந்துள்ளன. இது நிர்வகிக்கப்படும் விதம், இதற்காக நிலங்கள் வழங்கப்பட்டுள்ள முறை மற்றும் அம்புலுவாவையின் அபிவிருத்திப் பணிகளுக்காக அரசாங்க நிதி செலவிடப்பட்ட விதம் என்பன பாரிய சிக்கலாக உருவெடுத்துள்ளன.
இதற்காக 600 மில்லியன் ரூபாவிற்கும் அதிகமான அரசாங்க நிதி பயன்படுத்தப்பட்டுள்ள போதிலும், கடந்த காலங்களில் இது தொடர்பாக மேற்கொள்ளப்பட்ட தணிக்கை அறிக்கைகள் குறித்து இதுவரை எந்த நடவடிக்கையும் எடுக்கப்படவில்லை.
புத்தசாசன அமைச்சு, நீதி அமைச்சு, சட்டமா அதிபர் திணைக்களம் உள்ளிட்ட சம்பந்தப்பட்ட நிறுவனங்களின் அதிகாரிகள் இதன் அடுத்தகட்ட நடவடிக்கைகள் குறித்து ஆலோசித்து வருகின்றனர். சுற்றுலாத் துறைக்குப் பாதிப்பு ஏற்படாத வகையில் இந்த நடவடிக்கைகளை முன்னெடுப்பது குறித்து அவர்களின் அவதானம் செலுத்தப்பட்டுள்ளது.