மனு கொடுத்து நீதி கோரும் அதாவுல்லாஹ்!

தேர்தல் வாக்குகள் மீள எண்ணப்பட வேண்டும் என கோரி மனித உரிமைகள் ஆணைக்குழுவின் கல்முனை பிராந்திய இணைப்பாளர் அப்துல் அஸீஸிடம்  மனு கையளிக்கப்பட்டுள்ளது.

கடந்த பொதுத் தேர்தலில் திகாமடுல்ல தேர்தல் மாவட்டத்தில் புதிய ஜனநாயக முன்னணியில் போட்டியிட்டு தோல்வியடைந்த  தேசிய காங்கிரஸின் தலைவரும்  முன்னாள் அமைச்சருமான ஏ.எல்.எம். அதாஉல்லாஹ் சட்டத்தரணி  எம்.எம்.எம். முஅஸ்ஸம்  சகிதம்  இன்று மனு ஒன்றினை கைளித்துள்ளார்.

அம்பாறை மாவட்டம் கல்முனை மாநகர சபைக்கு உட்பட்ட பாண்டிருப்பு பகுதியில் அமைந்துள்ள  இலங்கை மனித உரிமைகள் ஆணைக்குழுவின்  கல்முனை பிராந்திய அலுவலகத்துக்குச் சென்று இன்று. (10)  குறித்த மனுவை கையளித்துள்ளதுடன் குறித்த மனுவில் திகாமடுல்ல மாவட்டத்தின் தேர்தல் முடிவுகளை மீள எண்ணப்பட வேண்டும் என கோரி பல தரப்பினரிடம்  தேசிய காங்கிரஸ் தலைவராக சென்று கடிதம் மூலமாகவும் நேரடியாகவும் மேற்கொண்ட முயற்சிகளுக்கு உரிய பதில்கள் கிடைக்கவில்லை என  குறிப்பிட்டு தனது அடிப்படை மனித உரிமை மீறப்பட்டள்ளதாக தெரிவித்துள்ளார்.

இதே வேளை   நடந்து முடிந்த பொதுத் தேர்தல் தொடர்பான முறைப்பாடுகள் அடங்கிய மனுவொன்றை தனக்கு தேசிய காங்கிரஸின் தலைவரும்  முன்னாள் அமைச்சருமான ஏ.எல்.எம். அதாஉல்லாஹ்   கைளித்ததாக மனித உரிமைகள் ஆணைக்குழுவின் கல்முனை பிராந்திய இணைப்பாளர் உறுதிப்படுத்தினார்.

மனுவை கையளித்த பின்னர் ஊடகங்களுக்கு கருத்து தெரிவித்த அவர்

.நடந்து முடிந்த பாராளுமன்ற தேர்தலில் திகாமடுல்ல தேர்தல் மாவட்டத்தில் வாக்காளர்களின் உரிமைகள் திட்டமிடப்பட்ட வகையில் மறுக்கப்பட்டுள்ளன.

மேலும்  நாம் திகாமடுல்ல தேர்தல் மாவட்ட முடிவுகளை ஏற்று கொள்ளவில்லை. ஆனால் புதிய ஜனநாயக முன்னணி 88 வாக்குகளால் தோற்றதாக அறிவிக்கப்பட்டது. இந்நிலையில், வாக்குகள் எண்ணப்பட வேண்டும் என்று  கொழும்பில் தேர்தல் ஆணைக்குழுவில் முறைப்பாடு நாம் செய்துள்ளோம்.   நீதிக்கான எமது போராட்டம் தொடரும் என்றார்.