பொறியியலாளர் ஒருவரைக் கொன்று அவரது சொத்துக்களை போலியான பத்திரம் மூலம் கையகப்படுத்தி விற்பனை செய்த குற்றச்சாட்டின் பேரில் முதலீட்டுச் சபையின் முன்னாள் உதவிப் பணிப்பாளர் மற்றும் வர்த்தகர் ஒருவரை சட்டவிரோத சொத்துக்கள் விசாரணைப் பிரிவினர் கைது செய்துள்ளனர்
ஜா -எல பிரதேசத்தை சேர்ந்த நிஹால் தேவப்பிரிய (62) மற்றும் வென்னப்புவைச் சேர்ந்த கொலிஞ்சாட ஜெராட் லிங்கந்த ஆகியோரே இவ்வாறு கைது செய்யப்பட்டுள்ளனர்.
2018 ஆம் ஆண்டு ஒக்டோபர் 23 ஆம் திகதி பிங்கிரிய பகுதியில் வசித்து வந்த ஐக்கிய நாடுகளின் இயந்திரவியல் பொறியியலாளர் சமன் விஜேசிறி கொல்லப்பட்டு அவரது உடல் தடாகம் ஒன்றில வீசப்பட்டிருந்த்யது.
பின்னர் குடிவரவு அதிகாரி ஒருவரின் உதவியுடன் சந்தேக நபரான சமன் விஜேசிறி நாட்டை விட்டு வெளியேறியதாக விமான நிலைய கணனி அமைப்பில் தரவுகள் காணப்பட்டன.
குற்றப் புலனாய்வுத் திணைக்களத்தின் கொலை மற்றும் ஒழுங்கமைக்கப்பட்ட குற்றப் புலனாய்வுப் பிரிவினரின் நீண்ட விசாரணையின் பின்னர் இந்த திட்டமிட்ட கொலை உறுதிப்படுத்தப்பட்டுள்ளது.
கொலைச் சம்பவத்துடன் தொடர்புடைய சந்தேகநபர்கள் கைது செய்யப்பட்டதையடுத்து, குறித்த சொத்துக்களை அனுபவிக்கும் நபர்களைத் தேடும் நடவடிக்கை சட்டவிரோத சொத்துக்கள் விசாரணைப் பிரிவுக்கு வழங்கப்பட்டது.
சட்டவிரோத சொத்துக்கள் விசாரணைப் பிரிவின் பணிப்பாளர், சிரேஷ்ட பொலிஸ் அத்தியட்சகர் லக்சிறி கீதலின் அறிவுறுத்தலின் பேரில், பிரதம இன்ஸ்பெக்டர் சம்பத் ராஜகருணா, சட்டவிரோத சொத்துக்கள் விசாரணைப் பிரிவின் பிரிவு 2 இன் புலனாய்வுத் தளபதி உள்ளிட்ட அதிகாரிகள் குழுவினர் இது தொடர்பீன விசாரணைகளை மேற்கொண்டு வருகின்றனர்.