யாழ். செம்மணி மனிதப் புதைகுழியில் இடைநிறுத்தப்பட்ட இரண்டாம் கட்ட அகழ்வுப் பணிகள் நேற்று மீண்டும் ஆரம்பமாகியுள்ளன.
செம்மணி - சித்துப்பாத்தி இந்து மயானத்தில் அடையாளம் காணப்பட்ட மனிதப் புதைகுழியின் அகழ்வுப் பணிகள் கடந்த ஓகஸ்ட் 6ஆம் திகதி முதல் இடைநிறுத்தப்பட்டன.
இதுவரை 41 நாட்கள் இடம்பெற்ற அகழ்வில் தடயவியல் அகழ்வாய்வுத் தளம் ஒன்றில் இருந்து 141 மனித என்புத் தொகுதிகளும், தடயவியல் அகழ்வாய்வுத் தளம் இரண்டில் இருந்து 9 மனித என்புத் தொகுதிகளும் என மொத்தமாக 150 மனித என்புத் தொகுதிகள் அகழ்ந்து எடுக்கப்பட்டு நீதிமன்றக் கட்டுக் காவலில் வைக்கப்பட்டுள்ளன.
இந்நிலையில் இடைநிறுத்தப்பட்ட இரண்டாம் கட்ட அகழ்வுப் பணிகள் நேற்று மீள ஆரம்பமாகியுள்ளன. இதன்போது ஜி.பி.ஆர். ஸ்கான் அறிக்கைகளின் பிரகாரம் தடயவியல் அகழ்வாய்வுத் தளம் ஒன்றை விரிவாக்குவதற்கான நடவடிக்கைகள் முன்னெடுக்கப்பட்டன.
