அக்டோபர் 25 வரை 1,818 வீதி விபத்துகள் இடம்பெற்றுள்ளன.
இந்த விபத்துகளில் 1,898 பேர் உயிரிழந்துள்ளனர் என பொலிஸ் ஊடகப் பேச்சாளர் பிரதிப் பொலிஸ் மா அதிபர் நிஹால் தல்துவ தெரிவித்துள்ளார்.
உயிரிழந்த 1,898 பேரில் 676 பேர் பாதசாரிகள்.
இந்தக் காலப்பகுதியில், 4,133 விபத்துக்கள் கடுமையான காயங்களுடன் பதிவாகியுள்ளன. 7,146சிறு காயங்கள் ஏற்பட்டுள்ளதாக தெரிவிக்கப்பட்டுள்ளது.
1818 விபத்துகளில் 583 மோட்டார் சைக்கிள் செலுத்தியவர்கள் இறந்துள்ளனர்.
மேலும் மோட்டார் சைக்கிள்களின் பின்னால் அமர்ந்து சென்ற128 பேர் உயிரிழந்துள்ளனர்.
135 சாரதிகள் மற்றும் வாகனங்களில் பயணித்த 249 பேர் விபத்துக்களில் கொல்லப்பட்டனர்.
துவிச்சக்கர வண்டியில் பயணித்த 123 பேர் உயிரிழந்துள்ளதாக பொலிஸ் ஊடகப் பேச்சாளர் மேலும் தெரிவித்தார்.