9,000 பொலிஸ் உத்தியோகத்தர்கள் நாடளாவிய ரீதியில் பணியில் ஈடுபடுத்தப்படவுள்ளதாக பொலிஸ் ஊடகப் பேச்சாளர் உதவி பொலிஸ் அத்தியட்சகர் உதய குமார வூட்லர் தெரிவித்தார்.
பதிவாகும் வீதி விபத்துக்களில் சுமார் 85 வீதமானவை உளவியல் காரணங்களால் ஏற்படும் குற்றங்களாக அடையாளம் காணப்பட்டுள்ளதாகவும், பொறுமையின்மை, ஒழுக்கமின்மை, போக்குவரத்து விதிகளைப் பின்பற்றாமை மற்றும் நியாயமான கவனத்தைச் செலுத்தத் தவறுதல் ஆகியவையே அந்த உளவியல் காரணங்கள் என பொலிஸ் ஊடகப் பேச்சாளர் குறிப்பிட்டார்.
சுமார் 15 வீதமான விபத்துக்கள் இயந்திரக் கோளாறுகளால் ஏற்படுகின்றன. டயர்கள், பிரேக்குகள், சமிக்ஞை விளக்குகள் மற்றும் வாகனத்தின் பழுதடைந்த நிலை உள்ளிட்டவை இயந்திரக் கோளாறுகளாக அடையாளம் காணப்பட்டுள்ளன. முந்திச் செல்ல முயற்சிப்பது மற்றும் இடது அல்லது வலது பக்கம் திரும்பும்போது கவனக்குறைவாகச் செயல்படுவது விபத்துக்களுக்குப் பிரதான காரணங்களாகும் என்றும் அவர் கூறினார்.
2024ஆம் ஆண்டில் 2,287 பாரிய விபத்துக்களில் 2,388 பேர் உயிரிழந்துள்ளனர். கடந்த ஆண்டில் (2025) 2,562 பாரிய விபத்துக்களில் 2,710 பேர் உயிரிழந்துள்ளதாக பொலிஸ் ஊடகப் பேச்சாளர் தெரிவித்தார்.
2024ஆம் ஆண்டுடன் ஒப்பிடுகையில், கடந்த ஆண்டில் (2025) விபத்துக்களினால் உயிரிழந்தவர்களின் எண்ணிக்கை 322ஆல் அதிகரித்துள்ளதாகவும் அவர் மேலும் குறிப்பிட்டார்.