மாகாண சபைத் தேர்தலில் அரசாங்கத்தைத் தோற்கடிக்க விரைவில் ஐதேக - ஐமச கூட்டணி!

நாடாளுமன்ற உறுப்பினருமான ரஞ்சித் மத்தும பண்டார தெரிவித்துள்ளார்.

ஐக்கிய மக்கள் சக்தியின் தலைமையகத்தில் நேற்று (01) நடைபெற்ற ஊடகவியலாளர் சந்திப்பில் கலந்துகொண்டு அவர் இதனைக் குறிப்பிட்டார்.

மேலும் கருத்துத் தெரிவித்த அவர் பின்வருமாறு கூறினார்:

"ஐக்கிய தேசியக் கட்சியும் ஐக்கிய மக்கள் சக்தியும் ஒன்றிணைய வேண்டும் என்ற கருத்தில் இரு தரப்பு ஆதரவாளர்களும் உள்ளனர். இதற்கான பேச்சுவார்த்தைகளின் பொறுப்பை சஜித் பிரேமதாச ஏற்றுள்ளார். அந்தப் பேச்சுவார்த்தைகள் வெற்றிகரமாக முன்னெடுக்கப்பட்டு வருகின்றன. பொருத்தமான நேரத்தில் இரு கட்சிகளும் ஒன்றிணையும். அத்துடன் இரு கட்சிகளும் இணைந்து ஒரு கூட்டணியாகவும் செயற்பட முடியும். தலைமைத்துவத்திற்கு அதிக மக்கள் ஆதரவு எதிர்க்கட்சித் தலைவர் சஜித் பிரேமதாசவுக்கே உள்ளது."

"அதேபோல் ரணில் விக்ரமசிங்கவின் அரசியல் முதிர்ச்சிக்கும் மதிப்பு அளிக்கப்பட வேண்டும். எப்படியிருந்தாலும் இரு கட்சிகளும் நிச்சயமாக ஒன்றிணையும். மாகாண சபைத் தேர்தலில் அதிக வாக்குகளை எம்மால் பெற முடியும். இந்த ஆண்டு ஒரு தீர்மானமிக்க ஆண்டு. எனவே அரசாங்கத்தின் பலத்தை அறிந்துகொள்வதற்கு மாகாண சபைத் தேர்தலை நடத்துமாறு நாம் கேட்டுக்கொள்கிறோம்."

"மாகாண சபைத் தேர்தலை நடத்துவதற்கு சட்டரீதியான தடைகள் ஏதேனும் இருந்தால், அதற்குத் தேவையான ஒத்துழைப்பை வழங்க ஐக்கிய மக்கள் சக்தி தயாராக உள்ளது. மோசடி மற்றும் ஊழல் எதிர்ப்புச் சட்டத்தைக் கொண்டு வர நல்லாட்சி அரசாங்கமே நடவடிக்கை எடுத்தது.

"நாட்டில் ஊழல்வாதிகளுக்கு எதிராகச் சட்டம் நடைமுறைப்படுத்தப்படும்போது அரசாங்கம் எடுக்கும் நடவடிக்கைகளுக்கு நாம் முழுமையான ஆதரவை வழங்குவோம். அத்துடன் ஊழல் மற்றும் மோசடி குற்றச்சாட்டுகளை விசாரிக்க அரசாங்கம் விசேட நீதிமன்றமொன்றை நிறுவ வேண்டும்."