வார்டில் தடுத்து வைக்கப்பட்டுள்ளார்.
நீதிமன்றம் வழங்கிய உத்தரவின் பேரில் அவர் சிறைச்சாலை வைத்தியசாலையில் அனுமதிக்கப்பட்டதாக சிறைச்சாலை வட்டாரங்கள் தெரிவிக்கின்றன. எவ்வாறாயினும், அவருக்கு எந்தவித விசேட வசதிகளும் வழங்கப்படவில்லை.
மஹர சிறைச்சாலையினுள் அவருக்கு பலத்த பாதுகாப்பு வழங்கப்பட்டுள்ளதுடன், பார்வையாளர்களைச் சந்திப்பதற்கும் கட்டுப்பாடுகள் விதிக்கப்பட்டுள்ளதாக சிறைச்சாலை தகவல்கள் தெரிவிக்கின்றன.
நேற்று முன்தினம் (28) மாலை மஹர சிறைச்சாலைக்கு அழைத்து வரப்பட்ட முன்னாள் அமைச்சர் டக்ளஸ் தேவானந்தா, முதலில் சிறைச்சாலை வைத்தியரால் பரிசோதிக்கப்பட்ட பின்னர் சிறைச்சாலை வைத்தியசாலையின் வார்டு ஒன்றில் அனுமதிக்கப்பட்டுள்ளார்.
இன்றைய தினம் மருத்துவ சிகிச்சைக்காக அவர் ராகம வைத்தியசாலைக்கு அழைத்துச் செல்லப்படவுள்ளதாக சிறைச்சாலை வட்டாரங்கள் மேலும் தெரிவித்துள்ளன.
அரசாங்கத்தினால் அவருக்கு சட்டபூர்வமாக வழங்கப்பட்டிருந்த துப்பாக்கி ஒன்று, பாதாள உலகக் குழு உறுப்பினர் ஒருவரின் கைக்குக் கிடைத்த சம்பவம் தொடர்பில், ஜனவரி 09 ஆம் திகதி வரை அவரை விளக்கமறியலில் வைக்குமாறு நீதிமன்றம் உத்தரவிட்டது.