1200 x 80 DMirror

 
 

சந்தை நிலவரங்களின்படி, தற்போதைய இறக்குமதி செய்யப்பட்ட சீனி ஒரு மாத காலத்திற்கு மட்டுமே போதுமானது.இலங்கையின் நுகர்வுக்கு வருடத்திற்கு 600,000 மெட்ரிக் டன் சீனி தேவைப்படுகிறது, அதன்படி மாதத்திற்கு 55,000 மெட்ரிக் டன் சீனி தேவைப்படும்.

இருப்பினும், தற்போது சுமார் 40,000 மெட்ரிக் டன் சீனி கையிருப்பில் இருப்பதாக கூறப்படுகிறது மற்றும் ஒரு சேமிப்பு நிலையத்தில் மட்டும் சுமார் 20,000 மெட்ரிக் டன் விசேடமாக இறக்குமதி செய்யப்பட்ட தரமான சீனி கொகா கோலா உள்ளிட்ட பானங்கள் மற்றும் பிஸ்கட்டுகள் தயாரிப்புக்காக உள்ளன.

அரசாங்கத்தின் தற்போதைய நிதி நிலைமையின் கீழ், சீனி இறக்குமதி கட்டுப்படுத்தப்பட்டுள்ளது மற்றும் கட்டுப்பாடுகள் தளர்த்தப்பட்டு புதிய சீனி ஓடர் செய்யப்பட்டாலும், அது  நாட்டை வந்தடைய குறைந்தது 6 வாரங்கள் ஆகும் என்று அந்த வட்டாரங்கள் தெரிவித்தன.

சீனியை பதுக்கிவைத்திருந்த 3 கிடங்குகள் கைப்பற்றப்பட்டன

இதற்கிடையில், நாட்டில் செயற்கையாக சீனி பற்றாக்குறை இருப்பதாகக் கூறி சீனியின் விலையை அதிகரிக்க முயன்ற மேலும் மூன்று மோசடி தொழிலதிபர்கள் பிடிபட்டுள்ளதாக 'அததெரன உக்குஸ்ஸா' தெரிவித்துள்ளது.

அதன்படி, நுகர்வோர் விவகார ஆணைக்குழு (சிஏஏ) சீதுவ, பண்டாரவத்தை, களனி, பட்டிவில மற்றும் வத்தல மாபோல பகுதிகளில் மூன்று பெரும் வியாபாரிகள் சீனியை மறைத்து சந்தையில் சீனியின் விலையை அதிகரிக்க முயன்றபோது கைது செய்யப்பட்டுள்ளதுடன் 5455 மெட்ரிக் டன் சீனியும்  பிடிபட்டுள்ளது.

சீதுவ பகுதியில் சீல் வைக்கப்பட்ட சீனி உரிமம் இன்றி செயல்பட்டு வருகிறது மற்றும் அதன் உரிமையாளர் ஆவணங்களுடன் இன்று (30) ஆணைக்குழுவிற்கு வருமாறு அறிவுறுத்தப்பட்டுள்ளது. அதில் 61 மெட்ரிக் டன் சீனி இருந்தது.

களனியிலுள்ள பட்டிவில பகுதியில் 594 மெட்ரிக் டன் சீனி சேமிப்பு கிடங்கில் இருந்ததும் சம்பவ இடத்தில் இருந்த பாதுகாப்பு அதிகாரி கடந்த ஆண்டு டிசம்பர் மாதம் இந்த இடத்திற்கு கொண்டு வரப்பட்ட சீனி சுமார் 8 மாதங்களுக்குப் பிறகு பகுதிகளாக எடுக்கப்பட்டதாக கூறினார்.

சீனிக்கு சீல் வைக்கப்பட்டு, அதுவும் உரிமம் பெறாத கிடங்கு என்பது உறுதி செய்யப்பட்டது.

இதேவேளை, நுகர்வோர் விவகார அதிகாரசபை (CAA) செவ்வாய்க்கிழமை (28) வத்தளை மாபோல பகுதியில் உள்ள கிடங்கில் மறைத்து வைக்கப்பட்டிருந்த 4,800 டன் சீனியை கைப்பற்றியது.

நாட்டில் சீனி பற்றாக்குறை ஏற்பட்டுள்ளது போல் கான்பித்து ஒரு கிலோ சீனியின் விலையை ரூ. 220 ஆக உயர்த்திய மோசடி வியாபாரிகளின் பின்னணியில் சீனி இருப்பு கண்டுபிடிக்கப்பட்டதாகும் இது தொடர்பாக ஆணைக்குழு விசாரணையை தொடங்கியுள்ளது.

கடந்த ஆண்டு நவம்பரில் ஒரு கிலோ சீனிக்கு வரி 25 சதமாக  குறைக்கப்படும் என்று அரசித அரச வர்த்தமாணி அறிவிப்பு வெளியிடப்பட்ட பிறகு,சீனியின் இருப்பு 650,000 மெட்ரிக் டன்களாக இரட்டிப்பாகியுள்ளதாக அரசாங்கத்தின் 'தினமின' தெரிவித்துள்ளது.இப்போது ஒரு கிலோ சீனி சந்தையில் ரூ 220 அதிக விலைக்கு விற்கப்படுகிறது.

வத்தளை, மாபோல பகுதியில் உள்ள ஒரு சேமிப்பு கிடங்கில் இந்த அளவு சீனி பதுக்கி வைக்கப்பட்டிருப்பதாக எழுந்த புகார்களை அடுத்து நுகர்வோர் விவகார ஆணைக்குழுவிற்கு (சிஏஏ) ஒரு கூடுதலான சீனி பதுக்கி வைக்கப்பட்டிருப்பதாக புகார் கிடைத்தது.

இதேவேளை, இலங்கை சீனி நிறுவனம் இன்று (30) முதல் ஒரு கிலோ சீனியை ரூ .125 க்கு வழங்க தீர்மானித்துள்ளதாக இராஜாங்க அமைச்சர் ஜனக வக்கும்புர தெரிவித்துள்ளார்.

சந்தையில் சீனியின் விலை வேகமாக அதிகரிப்பதே இதற்குக் காரணம். தற்போது சந்தையில் ஒரு கிலோ சீனி 200 முதல் 220 ரூபாய்க்கு விற்கப்படுகிறது.

அதன்படி, இலங்கை சீனி நிறுவனத்திற்கு சொந்தமான செவனகல மற்றும் பெல்வத்த சீனி ஆலைகள் ஊடாக இலங்கை முழுவதும் கூட்டுறவு மற்றும் பட்ஜெட் கடைகளுகள்,லங்கா சதொசாவுக்கு போதுமான சீனியை வழங்கும் என்று ஏற்றுமதி ஊக்குவிப்பு இராஜாங்க அமைச்சர் ஜனக்க வக்கும்புர தெரிவித்தார்.

அதன்படி, ஒரு கிலோ பழுப்பு சீனியை CWE இலிருந்து ரூ .130 க்கும், தூரத்தைப் பொறுத்து  சீனியின் அந்த தொகைக்கு அடுத்த சில நாட்களில் கூட்டுறவு நிறுவனங்களில் பெறலாம், என்றார்.

இலங்கையில் உள்ள அனைத்து சீனி ஆலைகளும் 20% சீனி தேவையை மட்டுமே உற்பத்தி செய்கின்றன, அதன்படி சிலோன் சீனி நிறுவனம் எதிர்காலத்தில் வெள்ளை மற்றும் பழுப்பு சீனியை இறக்குமதி செய்யும் என்று அமைச்சர் மேலும் கூறினார்.

ஊடகங்களுக்கு கருத்து தெரிவித்த அமைச்சர் ஜானக வக்கும்புற, நாட்டில் பல வர்த்தகர்கள் சீனி விலையை வரையின்றி அதிகரிப்பதன் மூலம் அதிக இலாபம் ஈட்டுவதாகவும், எனவே இந்த நிலையை கட்டுப்படுத்த அரசு நேரடியாக தலையிடுவதாகவும் கூறினார்.

336 x 200 Sinhala

கேலிச் சித்திரம்

பிந்திய செய்தி