வெளியுறவு அமைச்சின் உயரதிகாரி ஒருவர் தனிப்பட்ட வேலைக்காக நெதர்லாந்து சென்ற போது கொரோனாவின் காரணமாக அங்கு சிக்கிக் கொண்டார்.
அமைச்சின் உள் வட்டார தகவலின்படி, செயலாளர் திரும்புவதற்காக அமைச்சின் உயர் அதிகாரியின் ஒப்புதலுடன் வணிக வகுப்பு டிக்கெட் அரச பணத்தில் வழங்கப்பட்டுள்ளது.
அதன்படி, ஸ்ரீலங்கன் ஏர்லைன்ஸ் விமானம் மூலம் இலங்கைக்கு வர அவருக்கு வணிக வகுப்பு டிக்கெட் வழங்கப்பட்டுள்ளது, இதற்கு ஆறு இலட்சம் ரூபாவிற்கு மேல் செலவாகியுள்ளதாக அறியக்கிடைக்கின்றது.
ஒரு காலத்தில் நெதர்லாந்தில் இலங்கை தூதராக இருந்த அந்த அதிகாரி, அவர் நாட்டில் இருந்தபோது இலங்கை தூதரகத்திற்கு குத்தகைக்கு எடுத்திருந்த ஒரு தனியார் காரில் ஏற்பட்ட பிரச்சினையை தீர்க்க சமீபத்தில் நெதர்லாந்து சென்றார்.
தூதரகத்திற்கு வாகனத்தை ஒப்படைக்கும் சலுகை தூதரகத்திற்கு வழங்கப்பட்டுள்ளதுடன், இந்த பிரச்சினையை தீர்க்க உடனடியாக நடவடிக்கை எடுக்குமாறு வெளியுறவு அமைச்சகம் அரசுக்கு தெரிவித்துள்ளது.
இந்த அதிகாரி நெதர்லாந்தில் இலங்கையின் தூதுவராக இருந்தபோது, இலங்கை அரசாங்கம் திடீரென மற்றொருவரை இலங்கையின் தூதுவராக நியமித்தது. அந்த நேரத்தில் அந்த அதிகாரிக்கு ஏற்பட்ட அவசர காரியங்களை கருத்தில் கொண்டு, அந்த சூழ்நிலையில் ஒரு மாதம் நாட்டில் தங்குவதற்கு வெளியுறவு அமைச்சகம் அனுமதி வழங்கியிருந்தது.
ஒரு தூதுவர் தனது தனிப்பட்ட வாகனத்தை தூதரகத்திற்கு குத்தகைக்கு விடுவது தண்டனைக்குரிய நிதிக் குற்றமாகும். இதுபோன்ற ஒழுங்கு எதிர்ப்பு நடவடிக்கைகளில் ஈடுபட்ட ஒரு அதிகாரியை வெளியுறவு அமைச்சகம் அரச செலவில் மீண்டும் அழைத்து வந்திருக்கின்றது .
