1200 x 80 DMirror

 
 

அனுமதி வழங்கப்பட்டாலும் இரசாயன உரங்களை இறக்குமதி செய்வதில் மற்றுமொரு சிக்கல் எழுந்துள்ளது. இதற்காண காரணம் நிறுவனங்களுக்கு வழங்க வேண்டிய நிலுவைத் தொகையை அரசு இதுவரை செலுத்தவில்லை.

கடந்த பருவத்தில் மானிய உரத்திற்காக உர நிறுவனங்களுக்கு 24 பில்லியன் ரூபா செலுத்த வேண்டியுள்ளதாக 'நெத் நியூஸ்' மேற்கொண்ட விசாரணையில் தெரியவந்துள்ளது. இந்த தொகை கிடைக்கும் வரை ரசாயன உரங்களை இறக்குமதி செய்வது குறித்து முடிவு எடுக்க மாட்டோம் என உர நிறுவனங்கள் கூறுகின்றன.

மேலும், உலக சந்தையில் இரசாயன உரங்களின் விலை கடுமையாக உயர்ந்துள்ளது. இரசாயன உரங்கள் திடீரென இறக்குமதி செய்யப்பட்ட போதிலும், அதனை விரைவாக நடைமுறைப்படுத்துவதில் சிரமம் இருப்பதாக கடந்த பருவத்தில் நெத் நியூஸ் இது தொடர்பில் தொடர்ந்து வெளிப்படுத்தியிருந்தது.

இதற்கு முன்னர் இலங்கையில் அதிகளவான இரசாயன உரங்கள் சீனாவிலிருந்து இறக்குமதி செய்யப்பட்டன. ஆனால் ரசாயன உரங்களுக்கான உலகளாவிய தேவை காரணமாக, உர ஏற்றுமதியை சீனா கட்டுப்படுத்தியுள்ளது. சீனாவில் தற்போது தனது சொந்த நாட்டின் தேவைக்கேற்ப போதுமான உரங்கள் இருப்பதாலும், ஏற்றுமதி செய்ய போதுமான உரங்கள் கையிருப்பில் இல்லாததே இதற்குக் காரணம்.

அதன்படி, இலங்கை தற்போது ரஷ்யாவிடமிருந்து உரத்தை இறக்குமதி செய்ய வேண்டும்.

சீனாவில் இருந்து உரம் இறக்குமதி செய்யப்பட்டிருந்தால், கொள்கலன்களில் தேவையான அளவு மட்டுமே இறக்குமதி செய்ய முடியும்.

ஆனால் ரஷ்யாவில் இருந்து இறக்குமதி செய்தால் அவ்வாறு செய்ய முடியாது. ரஷ்யாவின் உர ஏற்றுமதி கொள்கையின் கீழ் இலங்கையும் உரத்தை கொள்வனவு செய்ய வேண்டியுள்ளமையே இதற்குக் காரணம்.

பொதுவாக ரஷ்யாவிலிருந்து உரங்களை ஓடர் செய்யும் போது நீங்கள் ஒரு நேரத்தில் 35,000 முதல் 40,000 மெட்ரிக் டன் வரை பெற வேண்டும். ஆனால், சலுகை இல்லாததால், இவ்வளவு பெரிய அளவில் ஒரே நேரத்தில் இறக்குமதி செய்வது கடினம் என்கின்றன தனியார் நிறுவனங்கள்.

இரசாயன உரங்களின் உலகளாவிய உற்பத்தி பெரும் நெருக்கடிக்கு உள்ளாகியுள்ளதாக கரிம உரங்கள் மற்றும் ஒழுங்குமுறை அலுவல்கள் இராஜாங்க அமைச்சர் சசீந்திர ராஜபக்ஷவின் ஆலோசகர் சம்பத் கஜதீர தெரிவித்துள்ளார்.

கடந்த பெரும்போகத்தில 300 அமெரிக்க டொலர்களுக்கு அரசாங்கமும் தனியார் துறையினரும் கொள்வனவு செய்த ஒரு மெட்ரிக் தொன் யூரியாவின் விலை இந்த மகா பருவத்தில் 1050 அமெரிக்க டொலர்களாக உயர்ந்துள்ளதாக அவர் கூறுகிறார்.

336 x 200 Sinhala

கேலிச் சித்திரம்

பிந்திய செய்தி