பகுதிகளில் மே தின ஊர்வலங்கள், கூட்டங்கள் மற்றும் பல்வேறு விழாக்கள் ஏற்பாடு செய்யப்பட்டுள்ளன. இதற்காக கொழும்பு நகரில் பொலிஸாரால் விசேட பாதுகாப்பு மற்றும் போக்குவரத்துத் திட்டம் அமுல்படுத்தப்பட்டுள்ளது.
மே தினத்தை முன்னிட்டு பிரதான கூட்டங்கள் மற்றும் ஊர்வலங்கள் கொழும்பு நகரை மையமாகக் கொண்டு நடைபெறவுள்ளதுடன், பல்வேறு நிறுவனங்கள் மற்றும் அமைப்புகளால் ஏற்பாடு செய்யப்பட்டுள்ள நினைவேந்தல் நிகழ்வுகள் நாட்டின் ஏனைய பகுதிகளிலும் நடைபெறவுள்ளதாக பொலிஸார் தெரிவித்துள்ளனர்.
நடைபெறவுள்ள மே தினக் கொண்டாட்டங்கள் மற்றும் நினைவேந்தல் நிகழ்வுகளை அமைதியான முறையில் நடத்துவதற்குப் பொருத்தமான சூழலை உருவாக்குதல், பாதுகாப்பு, போக்குவரத்துக் கட்டுப்பாடு மற்றும் வீதிப் பாதுகாப்புத் திட்டங்களை முன்னெடுத்தல், அத்துடன் பொதுப் போக்குவரத்து சீராக இயங்குவதை உறுதி செய்தல் ஆகியவற்றுக்காக அனைத்து பொலிஸ் நிலையங்களுக்கும் அறிவுறுத்தல்கள் வழங்கப்பட்டுள்ளதாக பொலிஸ் ஊடகப் பிரிவு விடுத்துள்ள அறிக்கையில் குறிப்பிடப்பட்டுள்ளது.
வெளிமாவட்டங்களில் நடைபெறும் ஊர்வலங்கள் மற்றும் கூட்டங்கள் தொடர்பில் மேற்சொன்னவாறு தேவையான நடவடிக்கைகளை எடுக்குமாறு மாகாணங்களுக்குப் பொறுப்பான சிரேஷ்ட பிரதிப் பொலிஸ் மா அதிபர்களுக்குப் பொலிஸ் மா அதிபரால் அறிவுறுத்தல்கள் வழங்கப்பட்டுள்ளன.
கொழும்பு நகரை மையமாகக் கொண்டு அரசியல் கட்சிகள் மற்றும் தொழிற்சங்கங்களால் நடத்தப்படவுள்ள பேரணிகள் மற்றும் ஊர்வலங்கள் நடைபெறும் இடங்கள் மற்றும் வீதித் திட்டங்கள் பின்வருமாறு:
மகரகம தேசிய இளைஞர் சேவைகள் மன்றத்திற்கு முன்னாலுள்ள பொது வாகன நிறுத்துமிடத்தில் நடைபெறவுள்ள தேசிய மக்கள் சக்தியின் (NPP) மே தினக் கூட்டம்.
இந்தக் கூட்டம் காரணமாக மகரகம பொலிஸ் பிரிவிற்கு உட்பட்ட பின்வரும் வீதிகளில் போக்குவரத்து நெரிசல் அல்லது தடைகள் ஏற்பட வாய்ப்புள்ளதால், பொதுமக்கள் மாற்று வழிகளை (Alternative Routes) பயன்படுத்துமாறு பொலிஸார் கேட்டுக்கொண்டுள்ளனர்.