தரவுள்ளதாக அந்த நிதியம் விடுத்துள்ள அறிக்கையில் தெரிவிக்கப்பட்டுள்ளது.
இலங்கைக்கு வழங்கப்பட்டுள்ள கடன் வசதிகளின் வெற்றியை மீளாய்வு செய்வதற்கும், சர்வதேச நாணய நிதியத்தின் தொடர்ச்சியான ஆதரவை இலங்கைக்கு உறுதிப்படுத்துவதே இவரது விஜயத்தின் முதன்மை நோக்கமாகும் என குறிப்பிடப்பட்டுள்ளது. எனினும், அவர் வருகை தரும் திகதி பின்னர் அறிவிக்கப்படும் என அந்த அறிக்கையில் கூறப்பட்டுள்ளது.
'டித்வா' (Ditwa) சூறாவளியினால் ஏற்பட்ட சேதங்களை மதிப்பிடுவதற்காக நாட்டிற்கு வருகை தந்த சர்வதேச நாணய நிதியத்தின் பிரதிநிதிகளுக்கும் ஜனாதிபதி அனுர குமார திஸாநாயக்கவிற்கும் இடையிலான சந்திப்பு நேற்று முன்தினம் (28) ஜனாதிபதி அலுவலகத்தில் நடைபெற்றது.
கடந்த 22ஆம் திகதி நாட்டிற்கு வருகை தந்த இந்தத் தூதுக்குழுவினர், நாடு முழுவதும் பயணம் செய்து சூறாவளியால் ஏற்பட்ட சேதங்களை நேரில் பார்வையிட்டதுடன், பாதிக்கப்பட்ட மக்களையும் சந்தித்தனர்.
கடுமையான பேரிடர் சூழ்நிலையிலும் இலங்கை தற்போது சரியான பொருளாதார திசையில் பயணிப்பதாகச் சுட்டிக்காட்டிய சர்வதேச நாணய நிதியத்தின் பிரதிநிதிகள், இலங்கையின் விரிவாக்கப்பட்ட கடன் வசதித் (EFF) திட்டத்தின் 6-வது தவணையை வழங்குவது தொடர்பான பேச்சுவார்த்தைகள் மார்ச் மாதத்திற்குள் மீண்டும் ஆரம்பிக்கப்படும் எனத் தெரிவித்தனர்.
சர்வதேச நாணய நிதியத்தின் விரிவாக்கப்பட்ட கடன் வசதித் திட்டத்தின் உடன்படிக்கையில் எவ்வித மாற்றங்களும் இன்றி, அதனைத் தொடர்ச்சியாக முன்னெடுத்துச் செல்ல இரு தரப்பினரும் இதன்போது இணக்கம் தெரிவித்தனர்.