நீர்கொழும்பு சிறைச்சாலையின் 10 அதிகாரிகள் உட்பட 32 பேரைப் பலிகொண்ட மோதலானது, நிறுவனக் குற்றங்கள் மற்றும் பாதுகாப்பு அலட்சியம் காரணமாகத் தடுத்திருக்க முடியாத ஒரு பேரழிவாகும் என மனித உரிமைகள் ஆணைக்குழு வெளிப்படுத்துகிறது.
ஆயுதமின்றி நெருக்கடிக்கு அனுப்பப்பட்ட 10 அதிகாரிகளின் மரணம்
98 பக்கங்களைக் கொண்ட மனித உரிமைகள் ஆணைக்குழுவின் (HRCSL) விசேட விசாரணை அறிக்கையின்படி, துரித எதிர்வினை தந்திரோபாயப் படையின் (Emergency Response Tactical Force) அதிகாரிகள் நெருக்கடி நிறைந்த வட்டாரங்களுக்கு எத்தகைய முன் அபாய மதிப்பீடுகளுமின்றி அல்லது பாதுகாப்பு கவசங்களுமின்றி அனுப்பி வைக்கப்பட்டுள்ளனர்.
கண்ணீர்ப்புகை குண்டுகள் அல்லது துப்பாக்கிச் சூட்டுக்குத் தாக்குப் பிடிக்கக்கூடிய அங்கிகள் (Bulletproof vests) கூட இன்றி, ஆயுதமின்றி இச்செயல்பாட்டில் கலந்துகொண்ட 10 அதிகாரிகள் உயிரிழப்பதற்கு அந்தத் தவறான செயற்பாட்டுத் தீர்மானமே நேரடியாகக் காரணமாக அமைந்தது.
கொள்ளளவை விட மும்மடங்கு நெரிசலும் அழுத்தமும்
-
கைதிகள் விகிதாச்சாரம்: 825 முதல் 900 வரை தங்கக்கூடிய இடவசதியைக் கொண்ட சிறைக்கூடங்களில் தடுத்து வைக்கப்பட்டிருந்தவர்களின் எண்ணிக்கை 2,418 ஆகும். இது நிர்ணயிக்கப்பட்ட கொள்ளளவை விட 300% அதிகமான நெரிசலாகும்.
-
அதிகாரிகளின் பற்றாக்குறை: அனுமதிக்கப்பட்ட 435 பணியாளர்களில் சேவையில் ஈடுபட்டிருந்தது 178 பேர் மட்டுமே ஆவர்.
-
மன அழுத்தம்: போதுமான விடுமுறையின்றி தொடர்ச்சியாக 10 நாட்கள் சேவை முரங்களில் (Shifts) ஈடுபட நேர்ந்தமை பணியாளர்களைக் கடுமையான மன உளைச்சலுக்குள்ளாக்கிய காரணியாக அமைந்தது.
'அறை விருந்து' மோதல் எவ்வாறு பாரிய கலவரமாக மாறியது?
சிறைச்சாலை நிர்வாகமானது கைதிகளைக் கொண்டு கடமைகளைச் செய்வித்தமை மற்றும் போதைப்பொருள் வர்த்தகம் குறித்துத் தகவல் வழங்கியதாகக் கூறப்படும் 'அறை விருந்து' (Room Party) கைதிகள் மீது சாதாரண கைதிகள் மத்தியில் வெறுப்புணர் உருவாகியிருந்தது. ஜூலை 5 ஆம் திகதி இலக்கம் 2 மற்றும் 4 வட்டாரங்களில் ஆரம்பமான தகராலைக் கட்டுப்படுத்த அதிகாரிகள் தவறியமையால், இமோதமானது ஜூலை 6 ஆம் திகதியளவில் பாரிய கலவரமாக உருவெடுத்தது.
மருத்துவமனைக்குள் நுழைந்து மருந்து வகைகளை அளவுக்கு அதிகமாக உடலினுள் செலுத்திய நபர்கள் வன்முறையைப் பரப்பிய வேளையில், பிரதான நுழைவாயிலைப் பாதுகாப்பதற்காக T-56 ரகத் துப்பாக்கிகளால் சுட வேண்டிய கட்டாயம் சிறைச்சாலை அதிகாரிகளுக்கு ஏற்பட்டது. கைதிகள் எழுப்பும் நேரடித் துப்பாக்கிச் சூட்டுக் குற்றச்சாட்டுகள் குறித்த தடயவியல் மற்றும் எறிபொருளியல் (Ballistics) அறிக்கைகள் இன்னமும் நீதிமன்றத்தின் முன்னிலையில் உள்ளன.
கைதிகள் இடமாற்றமும் அளுத்துமாவல சித்திரவதைகளும்
இச்சம்பவத்தைத் தொடர்ந்து நாட்டின் 11 சிறைச்சாலைகளுக்கு மாற்றப்பட்ட கைதிகளுக்கு வயர்கள், கேபிள்கள் மற்றும் தடடிகளால் தாக்கப்பட்டமைக்கான சாட்சிகளை ஆணைக்குழு பதிவு செய்துள்ளது.
குறிப்பாக, பூஸ்ஸ சிறைச்சாலையில் கே.கே. நிஷாந்த புத்திக பெரேரா மற்றும் அளுத்துமாவலையில் உடும்கங்கானம்கே சந்துந்தரங்க ஆகிய கைதிகள் சிறைக் காவலில் உயிரிழந்தமை தொடர்பில் ஆணைக்குழு தனித்தனியாக விசாரணைகளை ஆரம்பித்துள்ளது.
ஆணைக்குழுவின் கடுமையான உத்தரவும் காலக்கெடுவும்
சட்டவிரோத அதிகாரத்தைப் பயன்படுத்திய அதிகாரிகளுக்கும் கொலைகளுடன் தொடர்புடைய கைதிகளுக்கும் எதிராகத் குற்றவியல் சட்டக்கோவையின் கீழ் வழக்குத் தொடரப்பட வேண்டும். நெல்சன் மண்டேலா தரநிலைகளுக்கு அமைவாகச் சிறைக்கைதிகள் நெரிசலைக் குறைப்பதற்கான சீர்திருத்தங்களை நடைமுறைப்படுத்தி, 2027 ஜனவரி 28 ஆம் திகதிக்கு முன்னர் அது குறித்த முன்னேற்ற அறிக்கையைச் சமர்ப்பிக்குமாறு நீதி அமைச்சின் செயலாளருக்கும் சிறைச்சாலைகள் ஆணையாளர் நாயகத்திற்கும் ஆணைக்குழு உத்தரவிட்டுள்ளது.
மேலதிகத் தகவல் மூல இணைப்புகள்: