தேயிலைத் தோட்டத்தில் இருந்து கருஞ்சிறுத்தையின் உடல் மீட்பு!

கண்டெடுக்கப்பட்டுள்ளதாக நல்லதன்னி பொலிஸ் நிலைய பொறுப்பதிகாரி ஆர். நிரோஷன் தெரிவித்தார்.

குறித்த தோட்டத்தில் பணிபுரியும் தொழிலாளர்கள் வழங்கிய தகவலின் அடிப்படையில், தேயிலைத் தோட்டத்தில் இறந்து கிடந்த சிறுத்தை குட்டி குறித்து நல்லதன்னி வனவிலங்கு அலுவலக அதிகாரிகளுக்கு தகவல் வழங்க நடவடிக்கை எடுத்ததாக பொலிஸ் நிலைய பொறுப்பதிகாரி மேலும் குறிப்பிட்டார்.

சில நாட்களுக்கு முன்னரே இந்தச் சிறுத்தை உயிரிழந்திருக்கலாம் எனவும், வாகனம் ஒன்றில் மோதி ஏற்பட்ட காயங்களினால் இது நிகழ்ந்திருக்கலாம் எனவும் வனவிலங்கு அதிகாரிகள் சந்தேகிக்கின்றனர்.

இறந்த சிறுத்தையின் உடலை ஹட்டன் நீதவான் நீதிமன்றில் முன்னிலைப்படுத்தி, நீதவானின் உத்தரவைப் பெற்ற பின்னர், மேலதிக பிரேத பரிசோதனைக்காக ரந்தெனிகல கால்நடை வைத்தியசாலைக்கு கொண்டு செல்ல உள்ளதாக நல்லதன்னி வனவிலங்கு அலுவலக அதிகாரிகள் தெரிவித்தனர்.