அரச மருத்துவ அதிகாரிகள் சங்கம் (GMOA) தெரிவித்துள்ளது.
குறித்த காலப்பகுதிக்குள் அரசாங்கம் எவ்வித சாதகமான பதிலையும் வழங்காத நிலையில், அடுத்தகட்ட நடவடிக்கைகள் குறித்து இன்று நிறைவேற்று சபை கூடி தீர்மானம் எடுக்கும் என அந்தச் சங்கத்தின் ஊடகப் பேச்சாளர் வைத்தியர் சமில் விஜேசிங்க தெரிவித்தார்.
இது குறித்து மேலும் கருத்து தெரிவித்த வைத்தியர் சமில் விஜேசிங்க:
"அரச மருத்துவ அதிகாரிகள் சங்கம் என்ற ரீதியில் நாம் தொடர்ச்சியான தொழிற்சங்க நடவடிக்கைகளில் ஈடுபட்டு வருகின்றோம். நாம் நீதியையே கோருகிறோம். ஒரு குறிப்பிட்ட காலக்கெடுவுக்குள் தீர்வுகளை எட்டும் நோக்கில் பேச்சுவார்த்தைகளை ஆரம்பிக்க வேண்டும் என்பதே எமது நிலைப்பாடு.
ஆனால், அரசாங்கம் வளைந்து கொடுத்து இந்தப் பிரச்சினையைத் தீர்க்கத் தயாராக இல்லை. இப்பிரச்சினையில் தலையிட்டு தீர்வு காண்பதற்காக மத்திய செயற்குழு கடந்த நேற்று முன்தினம் சுகாதார அமைச்சருக்கு 48 மணித்தியால கால அவகாசத்தை வழங்கியது. அந்த அவகாசம் இன்றுடன் முடிவடைகிறது.
இதற்குத் தீர்வு கிடைக்காவிட்டால், அடுத்தகட்ட தீர்மானங்களை எடுக்கும் அதிகாரத்தை மத்திய செயற்குழு நிறைவேற்று குழுவிடம் வழங்கியுள்ளது. அதன்படி, இனிவரும் நடவடிக்கைகள் எவ்வாறு அமையும் என்பதை நாட்டுக்கு அறிவிக்க எதிர்பார்க்கிறோம்."