வேண்டிய 2.5 மில்லியன் அமெரிக்க டொலர் திறைசேரியிலிருந்து மாயமான சர்ச்சை தணியுமுன்னர், அமெரிக்க தபால் சேவைக்கு வழங்கப்பட வேண்டிய 625,000 அமெரிக்க டொலர்களும் காணாமல் போயுள்ளதாக அமைச்சரவைப் பேச்சாளர் அமைச்சர் நலிந்த ஜயதிஸ்ஸ தெரிவித்துள்ளார்.
இலங்கை தபால் திணைக்களம் இந்த நிதியை விடுவித்த போதிலும், அது உரிய தரப்பான அமெரிக்க தபால் சேவையைச் சென்றடையவில்லை.
அமெரிக்க தபால் சேவை விடுத்த முறைப்பாட்டையடுத்து, தபால் திணைக்களம் மற்றும் குற்றப்புலனாய்வுத் திணைக்களம் (CID) இணைந்து விசாரணைகளை ஆரம்பித்துள்ளன.
இந்த 625,000 டொலர் தொகையானது இரண்டு சந்தர்ப்பங்களில் செலுத்தப்பட்டுள்ளதாகத் முதற்கட்ட விசாரணைகளில் தெரியவந்துள்ளது.
அமைச்சரின் விளக்கம்:
அவுஸ்திரேலியாவிற்குச் செலுத்த வேண்டிய நிதி மாயம் மற்றும் இந்தச் சம்பவம் ஆகியவற்றுக்கு இடையே தொடர்பு உள்ளதா என்பது குறித்து இன்னும் உறுதிப்படுத்தப்படவில்லை என அமைச்சர் தெரிவித்தார். மேலும், நிறுவன மட்டத்தில் இவ்வாறான சம்பவங்கள் இடம்பெறும்போது விசாரணைகள் நடத்தப்படுவதாகவும், அனைத்து விடயங்களும் அமைச்சரவையில் விவாதிக்கப்படுவதில்லை எனவும் அவர் குறிப்பிட்டார்.
விசாரணைகளின் முடிவில் குற்றவாளிகளாகக் காணப்படும் அதிகாரிகள் எவராக இருந்தாலும் அவர்களுக்கு எதிராகக் கடும் சட்ட நடவடிக்கை எடுக்கப்படும் என அமைச்சர் மேலும் உறுதி அளித்தார்.