தோட்டத்திற்குச் சொந்தமான ஐந்து ஏக்கர் காணி, குத்தகை அடிப்படையில் அரசாங்க வைத்திய அதிகாரிகள் சங்கத்திற்கு (GMOA) வழங்கப்பட்டிருந்தது. அந்தக் காணியை மீண்டும் அரசாங்கம் பொறுப்பேற்றுள்ளதாகத் தகவல்கள் தெரிவிக்கின்றன.
முறையான நடைமுறைகளைப் பின்பற்றாமல் இந்தக் காணி வழங்கப்பட்டுள்ளதாகவும், குத்தகை நிபந்தனைகளை மீறியதன் காரணமாகவே இதனை மீண்டும் அரசாங்கம் கையகப்படுத்தத் தீர்மானித்துள்ளதாகவும் கூறப்படுகிறது.
0234 ஹெக்டேர் பரப்பளவு கொண்ட இந்தக் காணி, 2023.05.24 அன்று 30 வருட காலக் குத்தகை ஒப்பந்தத்தின் அடிப்படையில் அரசாங்க வைத்திய அதிகாரிகள் சங்கத்திடம் ஒப்படைக்கப்பட்டது.
ஒரு ஏக்கர் சுமார் 50,000 ரூபாய் என்ற வீதத்தில் குத்தகைக்கு வழங்கப்பட்டிருந்தது. எனினும், அந்தச் சங்கம் குத்தகை நிபந்தனைகளை நிறைவேற்றத் தவறியதால், தோட்டத் தொழில் அமைச்சு அண்மையில் குத்தகை ஒப்பந்தத்தை ரத்து செய்து காணியைத் தன்வசப்படுத்தியுள்ளது.
இந்தக் காணி அமைந்துள்ள பகுதி, தியலும நீர்வீழ்ச்சி உள்ளிட்ட பல முக்கிய சுற்றுலாத் தலங்களை எளிதில் சென்றடையக்கூடிய அதிக சுற்றுலா ஈர்ப்பு கொண்ட இடமாகும்.