இது தொடர்பான கலந்துரையாடல்கள் ஏற்கனவே ஆரம்பிக்கப்பட்டுள்ளதாக சிறுவர் மற்றும் மகளிர் விவகார அமைச்சர் சாவித்திரி போல்ராஜ் தெரிவித்துள்ளார்.
12 வயதிற்குட்பட்ட சிறுவர்கள் கைபேசிப் பயன்பாட்டை முழுமையாக நிறுத்த வேண்டும் என அரசாங்கம் ஏற்கனவே முன்மொழிந்துள்ள நிலையில், அதற்கு இணையாக சமூக ஊடக அணுகுமுறையையும் தடை செய்வது குறித்து கவனம் செலுத்தப்பட்டுள்ளது.
உலகின் பல நாடுகள் பாடசாலை மாணவர்களுக்கு சமூக ஊடகப் பயன்பாட்டைத் தடை செய்ய சட்டங்களை அறிமுகப்படுத்தியுள்ளன. அது குறித்தும் அரசாங்கம் கவனம் செலுத்தியுள்ளதாக அமைச்சர் சாவித்திரி போல்ராஜ் குறிப்பிட்டார்.
சிறுவர்கள் இணையத்துடன் இணைவதன் மூலம் பல்வேறு ஒழுக்கமற்ற செயல்கள் அதிகரித்து வருவதைக் காணக்கூடியதாக இருப்பதாகவும், இதனால் சமூக ஊடகங்களுக்குக் கட்டுப்பாடுகளை விதிக்க வேண்டிய அவசியம் ஏற்பட்டுள்ளதாகவும் அமைச்சர் தெரிவித்தார்.
சிறுவர்களுக்கு எதிரான சைபர் குற்றங்களை (Cyber Crimes) கையாள்வதற்காக புதிய சட்டமொன்றை அறிமுகப்படுத்த ஏற்கனவே தீர்மானிக்கப்பட்டுள்ளதுடன், அதற்கான அமைச்சரவை அங்கீகாரமும் அண்மையில் கிடைத்துள்ளமை குறிப்பிடத்தக்கது.