(Sexual Harassment) அல்லது பாலியல் வன்புணர்வுகளுக்கு (Rape) ஆளாகக்கூடிய கடுமையான ஆபத்துச் சூழலில் உள்ளதாக அண்மைய புதிய சமாய்வு ஒன்றின் மூலம் அதிர்ச்சித் தகவல் வெளிவந்துள்ளது.
வடமத்திய மாகாணத்திற்குப் பொறுப்பான சிரேஷ்ட பிரதிப் பொலிஸ் மா அதிபர் (DIG) டி.பி. சுகதபால, அண்மையில் நடைபெற்ற மாவட்ட ஒருங்கிணைப்புக் குழுக் கூட்டத்தில் இந்த விபரங்களை உத்தியோகபூர்வமாக வெளியிட்டுள்ளார்.
மாகாண சபை கேட்போர் கூடத்தில், அமைச்சர் வசந்த சமரசிங்க மற்றும் ஆளுநர் வசந்த ஜினதாச ஆகியோரின் இணைத் தலைமையில் இந்த மாவட்ட ஒருங்கிணைப்புக் குழுக் கூட்டம் நடைபெற்றது.
4,248 சிறுவர்கள் 'உயர் ஆபத்து' வலயத்தில்!
இங்கு தொடர்ந்து கருத்துத் தெரிவித்த பிரதிப் பொலிஸ் மா அதிபர், அடையாளம் காணப்பட்ட சிறுவர்களில் 4,248 பேர் மிக அதிகமான 'உயர் ஆபத்து' (High-risk group) கொண்ட பிரிவில் உள்ளதாகக் குறிப்பிட்டுள்ளார்.
அத்துடன், மாவட்டத்தில் உள்ள ஏனைய பிரதேசங்களுடன் ஒப்பிடுகையில், இவ்வாறான பாதுகாப்பற்ற சிறுவர்கள் அதிகளவில் தம்புத்தேகம (Thambuttegama) பகுதியிலிருந்தே அறிக்கை செய்யப்பட்டுள்ளனர் என்றும் அவர் சுட்டிக்காட்டினார்.
"மாவட்டத்தில் பாலியல் வன்முறைகள் மிகவும் ஆபத்தான விகிதத்தில் அதிகரித்துள்ளன. கடந்த வருடத்தில் மட்டும் 36 பாலியல் வன்புணர்வுச் சம்பவங்கள் பதிவாகியிருந்தன. ஆனால், இந்த நடப்பு வருடத்தில் கடந்த ஐந்து (05) மாத காலப்பகுதியில் மாத்திரமே ஏற்கனவே 24 பாலியல் வன்புணர்வுச் சம்பவங்கள் பதிவாகியுள்ளன" என பிரதிப் பொலிஸ் மா அதிபர் கவலை வெளியிட்டுள்ளார்.
பெற்றோரின் வெளிநாட்டுப் பயணமும் பிள்ளைகள் கைவிடப்படலும் பிரதான காரணம்!
சிறுவர்கள் இவ்வாறான ஆபத்துகளுக்கு முகம் கொடுப்பதற்கான பின்னணி குறித்து பொலிஸார் நடத்திய ஆய்வில் பின்வரும் காரணங்கள் கண்டறியப்பட்டுள்ளன:
-
உறவினர்களின் பராமரிப்பு: பல குடும்பங்களில் பெற்றோர்கள் தங்களின் பிள்ளைகளை உறவினர்களின் பொறுப்பில் விட்டுவிட்டு, வேலைவாய்ப்புகளுக்காக வெளிநாடுகளுக்குச் சென்றுள்ளனர்.
-
பெற்றோரின் பாராமுகம்: இவ்வாறு வெளிநாடுகளுக்குச் செல்லும் பெற்றோர்கள், பல சந்தர்ப்பங்களில் தங்களின் பிள்ளைகளைத் முற்றாகக் கைவிடுவதுடன், அவர்களுக்குத் தேவையான முறையான கவனிப்பையும் பாதுகாப்பையும் வழங்கத் தவறிவிடுகின்றனர்.
எவ்வாறாயினும், பாதுகாப்பற்றவர்கள் என அடையாளம் காணப்பட்டுள்ள இந்தச் சிறுவர்கள் குறித்துப் பொலிஸார் தற்பொழுது தீவிர கண்காணிப்பில் (Watchful) ஈடுபட்டுள்ளதுடன், அவர்களுக்கு ஏற்படக்கூடிய ஆபத்துகளைத் தடுப்பதற்கான விசேட வேலைத்திட்டங்களை அமுல்படுத்தி வருவதாகவும் பிரதிப் பொலிஸ் மா அதிபர் மேலும் தெரிவித்தார்.
இந்த முக்கிய கூட்டத்தில் பிரதம செயலாளர் ரஞ்சனா ஜயசிங்க, பதில் மாவட்ட செயலாளர் சந்தியா அபேசேகர, மேலதிக மாவட்ட செயலாளர் தீபால் சிறிமான்ன மற்றும் மாவட்டத்தின் அனைத்துப் பிரதேச செயலாளர்கள், நாடாளுமன்ற உறுப்பினர்கள் எனப் பல முக்கிய அதிகாரிகள் கலந்துகொண்டிருந்தமை குறிப்பிடத்தக்கதாகும்.