இதன்போது தலைவர் ஷம்மி சில்வா உள்ளிட்ட அனைத்து உறுப்பினர்களும் தமது பதவிகளை இராஜினாமா செய்து, புதிய தேர்தலுக்கு வழிவகுப்பது குறித்து ஆலோசிக்கப்படவுள்ளதாக அரசாங்கத்தின் ‘தினமின’ பத்திரிகை செய்தி வெளியிட்டுள்ளது.
பதவி விலகல்:
ஷம்மி சில்வாவின் பதவிக்காலம் அடுத்த ஆண்டு வரை இருந்தபோதிலும், ஜனாதிபதி அநுர குமார திஸாநாயக்க விடுத்த வேண்டுகோளுக்கு இணங்க அவர் இந்த முடிவை எடுத்துள்ளதாகத் தெரியவருகிறது.
இடைக்காலக் குழு:
நிறைவேற்றுச் சபையின் பதவி விலகலைத் தொடர்ந்து, மூத்த முன்னாள் கிரிக்கெட் வீரர்களைக் கொண்ட குறுகிய கால இடைக்காலக் குழுவொன்று நியமிக்கப்படவுள்ளது.
தேர்தல்:
இந்த இடைக்காலக் குழு விசேட பொதுக்கூட்டத்தைக் கூட்டி, தேர்தல் குழுவொன்றை நியமித்து, அடுத்த கிரிக்கெட் தேர்தலை ஏற்பாடு செய்யும்.
சர்வதேச கிரிக்கெட் பேரவையின் (ICC) நிலைப்பாடு:
இடைக்காலக் குழுக்களை நியமிப்பதில் அரசியல் தலையீடுகள் இருக்கக்கூடாது என்பதில் ICC உறுதியாக உள்ளது. 2023 இல் இலங்கை இடைக்காலக் குழுவை நியமித்தபோது அதன் உறுப்புரிமை இடைநிறுத்தப்பட்டது.
எவ்வாறாயினும், இம்முறை இலங்கைக்கு தடை ஏற்படாத வகையில் ICC உடன் கலந்துரையாடி இந்த மாற்றங்கள் முன்னெடுக்கப்படும் என விளையாட்டுத்துறை அமைச்சர் சுனில் குமார கமகே தெரிவித்துள்ளார்.