பிறகு கண்டெடுக்கப்பட்டுள்ளதாக கெப்பட்டிபொல பொலிஸார் தெரிவித்துள்ளனர்.
கெப்பட்டிபொல, கவரம்மான பகுதியில் சரிந்து வீழ்ந்திருந்த மண் மேடுகளை அகற்றும் பணியில் ஈடுபட்டிருந்த வீதி அபிவிருத்தி அதிகாரசபை ஊழியர்களால் இந்த சடலம் கண்டுபிடிக்கப்பட்டுள்ளது.
உயிரிழந்தவர் மிரஹவத்த, வெரல்லவத்த பகுதியைச் சேர்ந்த ஆர்.எம். அசித கோசல எனும் 30 வயதுடைய இளைஞர் என அடையாளம் காணப்பட்டுள்ளார்.
கடந்த நவம்பர் 27ஆம் திகதி, டிட்வா சூறாவளியுடன் பெய்த கடும் மழையினால் கவரம்மான பகுதியில் ஏற்பட்ட மண்ணரிப்பை அகற்றும் பணியில் ஈடுபட்டிருந்தபோது, லொறி சாரதியான இவர் மீண்டும் ஏற்பட்ட நிலச்சரிவில் சிக்கி மண்ணுக்குள் புதையுண்டார்.
அக்காலப்பகுதியில் நிலவிய மோசமான வானிலை காரணமாக, வாகனப் போக்குவரத்திற்கு மாத்திரம் வழிவிடும் வகையில் மணல் அகற்றப்பட்டது. இதன் காரணமாக காணாமல் போனவரின் சடலத்தை அன்று கண்டுபிடிக்க முடியாமல் போனது.
தற்போது வானிலை சீராகியுள்ள நிலையில், வெலிமடை - நுவரெலியா வீதியில் கெப்பட்டிபொல முதல் பெலுங்கல வரையான பகுதிகளில் சரிந்துள்ள மண் மேடுகளை அகற்றும் பணியை வீதி அபிவிருத்தி அதிகாரசபை முன்னெடுத்து வருகின்றது.
இதன்போது கவரம்மான பகுதியில் மண் அகற்றும் போதே குறித்த இளைஞனின் சடலம் மீட்கப்பட்டுள்ளது. இச்சம்பவம் குறித்து கெப்பட்டிபொல பொலிஸார் மேலதிக விசாரணைகளை மேற்கொண்டு வருகின்றனர்.